തെലുങ്കിലെ ഏറ്റവും പ്രശസ്തമായ സിനിമാ നിര്‍മ്മാണ കമ്പനിയാണ് വൈജയന്തി മൂവീസ്. 50 വര്‍ഷ കാലത്തോളം നിര്‍മ്മാണ രംഗത്ത് സജീവമായിട്ടുള്ള വൈജയന്തി മൂവീസിന്റെ പുതിയ ഓഫീസ് ഹൈദരാബാദില്‍ ആരംഭിച്ചു. ഓഫീസ് ഉദ്ഘാടനത്തോടനുബന്ധിച്ച് പ്രമുഖ താരങ്ങളാണ് എത്തിയിരുന്നത്. അമിതാഭ് ബച്ചന്‍, പ്രഭാസ്, നാനി, ഡയറക്ടര്‍മാരായ പ്രശാന്ത് നീല്‍, രാഘവേന്ദ്ര റാവു, നാഗ് അശ്വിന്‍ എന്നിവരൊടൊപ്പം, ദുല്‍ഖര്‍ സല്‍മാനും പുതിയ ഓഫീസില്‍ എത്തിയിരുന്നു. താരങ്ങള്‍ എല്ലാവരും ഒരുമിച്ചു നില്‍ക്കുന്ന ചിത്രം സോഷ്യല്‍ മീഡിയയില്‍ ശ്രദ്ധനേടുകയാണ്.
പ്രഭാസ് നായകനാകുന്ന ‘പ്രൊജക്റ്റ് കെ’ ആണ് നിലവില്‍ വൈജയന്തി മൂവീസ് നിര്‍മ്മിക്കുന്ന ചിത്രം. നാഗ് അശ്വിന്‍ സംവിധാനം ചെയ്യുന്ന ഈ ചിത്രത്തില്‍ അമിതാബ് ബച്ചന്‍, ദീപിക പദുകോണ്‍ തുടങ്ങി വമ്പന്‍ താരങ്ങള്‍ അണിനിരക്കുന്നു. 500 കോടി ബജറ്റിലാണ് വൈജയന്തി മൂവീസ് ‘പ്രോജക്ട് കെ’ നിര്‍മ്മിക്കുന്നത്. ചിത്രം ഇന്ത്യയൊട്ടാകെ അടുത്തവര്‍ഷം റിലീസിനെത്തും.
Recent Comments