ഓസ്‌കാര്‍ ഓര്‍ഗനൈസേര്‍സ് മെമ്പര്‍ഷിപ്പ് കമ്മിറ്റിയിലേക്ക് നടന് സൂര്യക്ക് ക്ഷണം ലഭിച്ചിരിക്കുകയാണ്. ജൂണ്‍ 28 നാണ് അക്കാദമി ഓഫ് മോഷന്‍ പിക്ച്ചര്‍ ആര്‍ട്‌സ് ആന്‍ഡ് സയന്‍സ്, 397 ആര്‍ട്ടിസ്റ്റുകളേയും എക്‌സിക്യൂട്ടീവ്‌സിനേയും കമ്മിറ്റിയിലേക്ക് ക്ഷണിച്ചിരുന്നത്. അതില്‍ ഇന്ത്യയെ പ്രതിനിധീകരിക്കുന്നവര്‍ സൂര്യയെ കൂടാതെ കജോളും റീമാ കാഗ്ട്ടിയുമാണ്.
ഇതാദ്യമായാണ് തമിഴില്‍ നിന്ന് ഒരു നടന് ഓസ്‌കാര്‍ ക്ലാസ്സ് ഓഫ് 2022 യിലേക്ക് ക്ഷണം ലഭിക്കുന്നത്. ക്ലാസ്സ് ഓഫ് 2022 ല്‍ അന്താരാഷ്ട്ര തലത്തില്‍ 71 ഓസ്‌കാര്‍ നോമിനീസും 15 വിജയികളുമാണ് നിലവില്‍ ഉള്ളത്.
സൂര്യയുടെ ജയ് ഭീം, സുരറയ് പൊട്ട്ര് എന്നീ ഒടിടി റിലീസ് ചിത്രങ്ങള്‍ ആഗോള തലത്തില്‍ തന്നെ വലിയ ശ്രദ്ധ നേടിയിരുന്നു. സാമൂഹിക പ്രസക്തിയുള്ള ജയ് ഭീം എന്ന ചിത്രം ഓസ്‌കാര്‍ നോമിനേഷന് അയച്ചിരുന്നു. എന്നാല്‍ ചിത്രം അവസാന നിമിഷം പിന്‍തള്ളപ്പെടുകയായിരുന്നു.
Recent Comments