വിക്രം എന്ന സൂപ്പര്‍ഹിറ്റ് ചിത്രത്തിന് ശേഷം വീണ്ടും വില്ലന്‍ വേഷത്തില്‍ എത്തുകയാണ് നടന്‍ വിജയ് സേതുപതി. സംവിധായകന്‍ അറ്റ്‌ലീ ഷാരുഖ് ഖാനെ നായകനാക്കി ഒരുക്കുന്ന ആക്ഷന്‍ ത്രില്ലര്‍ ചിത്രം ജവാനിലാണ് താരം വില്ലനായി എത്തുന്നത്. ആദ്യം ഈ വേഷത്തിനായി തെലുങ്ക് താരം റാണ ദഗ്ഗുപട്ടിയെ ആയിരുന്നു കാസ്റ്റ് ചെയ്തതിരുന്നത്. എന്നാല്‍ മറ്റ് സിനിമകളുടെ തിരക്കുകള്‍ മൂലം താരം പിന്മാറുകയായിരുന്നു.
കൂടാതെ പുഷ്പ്പയുടെ രണ്ടാംഭാഗത്തിലും വിജയ് സേതുപതി വില്ലന്‍ വേഷത്തില്‍ എത്തുമെന്ന് വാര്‍ത്തകള്‍ പുറത്ത് വരുന്നു. അങ്ങനെയെങ്കില്‍ വിക്രം സിനിമക്ക് ശേഷം വിജയ് സേതുപതിയും ഫഹദ് ഫാസിലും ഒന്നിക്കുന്ന ചിത്രമാകും പുഷ്പ 2: ദി റൂള്‍. വിജയ് സേതുപതി നായകനായ ഫാമിലി എന്റര്‍ടെയ്‌നര്‍ മാമനിതന്‍ മികച്ച പ്രതികരണത്തോടെ പ്രദര്‍ശനം തുടരുകയാണ്. സീനു രാമസ്വാമിയാണ് മാമനിതന്‍ സംവിധാനം ചെയ്തിരിക്കുന്നത്.
നിലവില്‍ ജവാന്റെ ചിത്രീകരണം മുംബൈയില്‍ പുരോഗമിക്കുകയാണ്. നയന്‍താരയാണ് നായിക. അനിരുദ്ധ് രവിചന്ദര്‍ സംഗീതം ഒരുക്കുന്നു. ഇരുവരുടെയും ബോളിവുഡ് അരങ്ങേറ്റ ചിത്രം കൂടിയാണ് ജവാന്‍. അടുത്ത വര്‍ഷം ജൂണ്‍ 2ന് ചിത്രം റിലീസ് ചെയ്യും.
“You are the most wonderful actor I have seen in my life” @IAMSRK to @VijaySethuOffl
Now #VijaySethupathi is on board for #Jawan🔥
— Aman (@amanaggar) July 5, 2022
Recent Comments