ധ്യാന്‍ ശീനിവാസനും അജു വര്‍ഗീസും കേന്ദ്ര കഥാപാത്രങ്ങളെ അവതരിപ്പിക്കുന്ന പുതിയ ചിത്രമാണ് നദികളില്‍ സുന്ദരി യമുന. വിജേഷ് പണത്തൂരും ഉണ്ണി വെള്ളാറയും ചേര്‍ന്നാണ് ഈ ചിത്രം തിരക്കഥ എഴുതി സംവിധാനം ചെയ്യുന്നത്. കണ്ണൂരിന്റെ സാമൂഹ്യരാഷ്ടീയ പശ്ചാത്തലത്തില്‍ അവതരിപ്പിക്കുന്ന രസാവഹമായ ഒരു പ്രണയകഥയാണ് നദികളില്‍ സുന്ദരി യമുന. നിര്‍മ്മല്‍ പാലാഴി, നവാസ് വള്ളിക്കുന്ന്, മനോജ് കെ.യു, ഭാനു പയ്യന്നൂര്‍ എന്നിവരാണ് ചിത്രത്തിലെ മറ്റു താരങ്ങള്‍. ഇവര്‍ക്കൊപ്പം നിരവധി പുതുമുഖങ്ങളും അഭിനയിക്കുന്നു. നായികാനിര്‍ണ്ണയം നടന്നുവരികയാണ്. ചിത്രത്തിന്റെ ഷൂട്ടിംഗ് സെപ്തംബര്‍ 20 ന് ആരംഭിക്കും. തളിപ്പറമ്പും പയ്യന്നൂരുമാണ് പ്രധാന ലൊക്കേഷനുകള്‍.
സിനിമാറ്റിക്ക് ഫിലിംസ് എല്‍.എല്‍.പിയുടെ ബാനറില്‍ വിലാസ് കുമാറും മുരളി കുന്നുംപുറത്തും ചേര്‍ന്നാണ് ചിത്രം നിര്‍മ്മിക്കുന്നത്. മനു മഞ്ജിത്ത്, നിധീഷ് നടേരി എന്നിവരുടെ വരികള്‍ക്ക് അരുണ്‍ മുരളീധരന്‍ ഈണം പകര്‍ന്നിരിക്കുന്നു. ഫൈസല്‍ അലി ഛായാഗ്രഹണവും രതിന്‍ രാധാകൃഷ്ണന്‍ എഡിറ്റിംഗും നിര്‍വ്വഹിക്കുന്നു. കലാസംവിധാനം അജയന്‍ മങ്ങാട്. കോസ്റ്റ്യും ഡിസൈന്‍ സുജിത് മട്ടന്നൂര്‍. മേക്കപ്പ് ജയന്‍ പൂങ്കുളം, നിര്‍മ്മാണ നിര്‍വ്വഹണം സജീവ് ചന്തിരൂര്‍. പി.ആര്‍.ഒ. വാഴൂര്‍ ജോസ്.
Recent Comments