മമ്മൂട്ടി കേന്ദ്രകഥാപാത്രമായി എത്തുന്ന നന്‍പകല്‍ നേരത്ത് മയക്കം എന്ന സിനിമയുടെ പുതിയ ടീസര്‍ കഴിഞ്ഞ ദിവസമാണ് പുറത്ത് ഇറങ്ങിയത്. ലിജോ ജോസ് പല്ലിശേരി സംവിധാനം ചെയ്യുന്ന ഈ ചിത്രത്തിന്റെ ഒരു നീളമേറിയ രംഗമാണ് ടീസറില്‍ ഉള്‍പ്പെടുത്തിയിരിക്കുന്നത്. നടിക്കര്‍ തിലകം ശിവാജി ഗണേശന്റെ ഒരു ഡയലോഗ് അഭിനയിച്ച് കാണിക്കുന്ന മമ്മൂട്ടിയെയാണ് ടീസറില്‍ കാണാന്‍ സാധിക്കുക. ശിവാജി ഗണേശന്‍ ഡബിള്‍ റോളില്‍ എത്തി 1973 പുറത്തിറങ്ങിയ ‘ഗൗരവം’ എന്ന ചിത്രത്തിലെ ഡയലോഗാണ് ഇത്. വ്യത്യസ്തമാര്‍ന്ന ഈ ടീസര്‍ വലിയ പ്രേക്ഷകശ്രദ്ധ പിടിച്ചുപറ്റിയിരിക്കുകയാണ്. ഇതിനുമുമ്പ് ചിത്രത്തിന്റേതായി പുറത്തിറങ്ങിയ ടീസറും തരംഗമായി മാറിയിരുന്നു.
മമ്മൂട്ടി കമ്പനിയുടെ ബാനറില്‍ മമ്മൂട്ടിയും ലിജോ ജോസ് പല്ലിശ്ശേരിയും ചേര്‍ന്നാണ് ചിത്രം നിര്‍മ്മിക്കുന്നത്. എസ് ഹരീഷാണ് ചിത്രത്തിന്റെ രചന നിര്‍വഹിച്ചിരിക്കുന്നത്. തേനി ഈശ്വരനാണ് ക്യാമറ. ചിത്രത്തില്‍ മമ്മൂട്ടിക്ക് പുറമേ അശോകന്‍, രമ്യ പാണ്ഡ്യന്‍ എന്നിവരും പ്രധാന വേഷത്തില്‍ എത്തുന്നു. ദുല്‍ഖര്‍ സല്‍മാന്റെ വേഫാറര്‍ ഫിലിംസ് ആണ് വിതരണം ഏറ്റെടുത്തിരിക്കുന്നത്.
Recent Comments