റിലീസിന് മുമ്പ് തന്നെ പ്രേക്ഷകശ്രദ്ധ നേടിയ പ്രഭുദേവ ചിത്രമാണ് മൈ ഡിയര്‍ ഭൂതം. ചിത്രത്തിന്റെ ട്രെയിലര്‍ റിലീസ് ചെയ്ത് മണിക്കൂറുകള്‍ക്കകം നാല്പത് ലക്ഷത്തില്‍ പരം കാഴ്ചക്കാരെ നേടിയിരിക്കു്‌നത്.
ആദ്യന്തം ഏവരെയും ആനന്ദിപ്പിക്കുന്ന ഒരു ഫാന്റസി എന്റര്‍ടൈനറാണ് ചിത്രം. പ്രഭുദേവ ഭൂതമായി അഭിനയിക്കുന്ന സിനിമയിലെ നായിക രമ്യാ നമ്പീശനാണ്. പ്രഭു ദേവക്കൊപ്പം അശ്വന്ത് കുമാര്‍ എന്ന ബാലതാരവും കേന്ദ്ര കഥാപാത്രത്തെ അവതരിപ്പിക്കുന്നു.
മഞ്ഞപൈ, കടമ്പന്‍ തുടങ്ങി തമിഴിലും തെലുങ്കിലും കുറെ നല്ല സിനിമകള്‍ അണിയിച്ചൊരുക്കിയിട്ടുള്ള എന്‍. രാഘവനാണ് ‘മൈ ഡിയര്‍ ഭൂത’ത്തിന്റെ രചനയും സംവിധാനവും നിര്‍വ്വഹിച്ചിരിക്കുന്നത്.
സുരേഷ് മേനോന്‍, ബിഗ് ബോസ് സംയുക്ത, ഇമാന്‍ അണ്ണാച്ചി എന്നിവരാണ് മറ്റ് പ്രധാന അഭിനേതാക്കള്‍. യു.കെ. സെന്തില്‍ കുമാര്‍ ഛായാഗ്രഹണവും ഡി ഇമാന്‍ സംഗീതവും നിര്‍വിച്ചിരിക്കുന്നു. അഭിഷേക് ഫിലിംസിന്റെ ബാനറില്‍ രമേഷ് പി. പിള്ള നിര്‍മ്മിച്ച ‘മൈ ഡിയര്‍ ഭൂത’ത്തെ ജൂലായ് 15 ന് തീയേറ്ററുകളിലെത്തും. മുരളി സില്‍വര്‍ സ്‌ക്രീന്‍ പിക്ചര്‍സാണ് ചിത്രം കേരളത്തിലെത്തിക്കുന്നത്. വാര്‍ത്താപ്രചരണം സി.കെ. അജയ്കുമാര്‍
Recent Comments