മൂവി ടുഡേ ക്രിയേഷന്‍സിന്റെ ബാനറില്‍ പുതുമുഖങ്ങളെ അണിനിരത്തി അമര്‍ദീപ് സംവിധാനം ചെയ്ത ചിത്രമാണ് നിണം. ചിത്രത്തിന്റെ ട്രെയിലര്‍ മലയാള സിനിമയിലെ പ്രമുഖ കലാകാരന്മാരുടെ സോഷ്യല്‍മീഡിയ പേജുകളിലൂടെ റിലീസ് ചെയ്തു.
സൂര്യകൃഷ്ണനാണ് ചിത്രത്തിലെ നായകന്‍. കലാഭവന്‍ നന്ദനയുമാണ് നായിക. ഗിരീഷ് കടയ്ക്കാവൂര്‍, ലതാദാസ്, ശരത് ശ്രീഹരി, സജിത് സോമരാജന്‍, മനീഷ് മോഹനന്‍, രഞ്ജിത് ഗോപാല്‍, അജയ്, മിഥുന്‍ പുലരി, ബെന്‍ സെബാസ്റ്റ്യന്‍, ഹരിശ്രീ സന്തോഷ്, ദിവ്യ എന്നിവരാണ് മറ്റ് അഭിനേതാക്കള്‍.
കെ. അനില്‍കുമാര്‍ നിര്‍മ്മിക്കുന്ന ചിത്രത്തിന്റെ ഛായാഗ്രഹണം നിര്‍വ്വഹിക്കുന്നത് വിപിന്ദ് വി. രാജാണ്. കഥ, തിരക്കഥ, സംഭാഷണം എഴുതിയിരിക്കുന്നത് വിഷ്ണുരാഗ്, എഡിറ്റിംഗ് വിപിന്‍ മണ്ണൂര്‍, ഗാനരചന സുമേഷ് മുട്ടറ, സംഗീതവും പശ്ചാത്തല സംഗീതവും ഒരുക്കിയിരിക്കുന്നത് സുധേന്ദുരാജാണ്. അസ്സോസിയേറ്റ് ഡയറക്ടര്‍ ഷാന്‍ എസ്.എം. കടയ്ക്കാവൂര്‍, കല ബിനില്‍ കെ. ആന്റണി, ചമയം പ്രദീപ് വിതുര, വസ്ത്രാലങ്കാരം ശ്രീജിത്ത് കുമാരപുരം, സ്റ്റില്‍സ് വിജയ് ലിയോ, പി.ആര്‍.ഒ അജയ് തുണ്ടത്തില്‍.
Recent Comments