വിഷ്ണു ഉണ്ണികൃഷ്ണനും ജോണി ആന്റണിയും മുഖ്യവേഷത്തില്‍ എത്തുന്ന ഫാമിലി കോമഡി ത്രില്ലര്‍ സബാഷ് ചന്ദ്രബോസിന്റെ ട്രെയിലര്‍ പുറത്തിറങ്ങി. തമാശയും സസ്‌പെന്‍സും ഒരുപോലെ നിറഞ്ഞ രംഗങ്ങളുള്ള ട്രെയിലര്‍ ഇതിനോടകം പ്രേക്ഷകര്‍ ഏറ്റെടുത്തുകഴിഞ്ഞു.
ജോളിവുഡ് മൂവീസിന്റെ ബാനറില്‍ ജോളി ലോനപ്പന്‍ നിര്‍മ്മിച്ച ചിത്രം സംവിധാനം ചെയ്യുന്നത് ദേശീയ അവാര്‍ഡ് ജേതാവ് വി സി അഭിലാഷാണ്. ആഗസ്റ്റ് 5ന് റിലീസ് ചെയ്യുന്ന ചിത്രം ക്യാപ്പിറ്റല്‍ സ്റ്റുഡിയോസാണ് ചിത്രം തീയറ്ററുകളില്‍ എത്തിക്കുന്നത്.
1980 കളിലെ തെക്കന്‍ കേരളത്തിന്റെ കഥയാണ് ചിത്രം പറയുന്നത്. ചിത്രത്തിന്റെ ടീസറും ഗാനങ്ങളും ഇതിനോടകം തന്നെ പ്രേക്ഷക ശ്രദ്ധ നേടിയിരുന്നു. ശ്രീനാഥ് ശിവശങ്കരന്‍ സംഗീതം നല്‍കിയ ചിത്രത്തിലെ കാമുകിപ്പാട്ട് എന്ന പ്രണയ ഗാനം ട്രെന്‍ഡിങിലും ഹിറ്റ് ചാര്‍ട്ടിലും ഇടം പിടിച്ചിരുന്നു.
വിഷ്ണു ഉണ്ണികൃഷ്ണന്‍, ജോണി ആന്റണി എന്നിവര്‍ക്ക് പുറമെ ജാഫര്‍ ഇടുക്കി, ധര്‍മ്മജന്‍ ബോള്‍ഗാട്ടി, സുധി കോപ്പ, ഇര്‍ഷാദ്, കോട്ടയം രമേഷ്, സ്‌നേഹ പിലിയേരി, രമ്യാ സുരേഷ്, ശ്രീജ ദാസ്, ഭാനുമതി പയ്യന്നൂര്‍ എന്നിവരാണ് മറ്റ് അഭിനേതാക്കള്‍
ഇന്ദ്രന്‍സിന് മികച്ച നടനുള്ള സംസ്ഥാന അവാര്‍ഡ് നേടിക്കൊടുത്ത ആളൊരുക്കത്തിന് ശേഷം ദേശീയ അവാര്‍ഡ് ജേതാവ് വി.സി. അഭിലാഷ് സംവിധാനം ചെയ്യുന്ന രണ്ടാമത്തെ ചിത്രം കൂടിയാണ് സബാഷ് ചന്ദ്രബോസ്.
സജിത്ത് പുരുഷനാണ് ചിത്രത്തിന് വേണ്ടി ക്യാമറ ചലിപ്പിച്ചിരിക്കുന്നത്. സംവിധായകനായ വി.സി. അഭിലാഷും അജയ് ഗോപാലും ചേര്‍ന്നാണ് ഗാനങ്ങള്‍ രചിച്ചിരിക്കുന്നത്. എഡിറ്റിംഗ് സ്റ്റീഫന്‍ മാത്യു, വസ്ത്രലങ്കാരം അരുണ്‍ മനോഹര്‍, മേക്കപ്പ് സജി കോരട്ടി, എക്‌സിക്യൂട്ടീവ് പ്രൊഡ്യൂസര്‍ വര്‍ഗീസ് ഫെര്‍ണാണ്ടെസ്, പ്രൊഡക്ഷന്‍ കണ്‍ട്രോളര്‍ എസ് എല്‍ പ്രദീപ്, കൊറിയോഗ്രാഫി സ്പ്രിംഗ്, ആക്ഷന്‍ ഡ്രാഗണ്‍ ജെറോഷ്, ചീഫ് അസോസിയേറ്റ് ഡയറക്ടേഴ്‌സ് പ്രവീണ്‍ ഉണ്ണി, രോഹിത് നാരായണന്‍, അരുണ്‍ വിജയ് വി.സി, സ്റ്റില്‍സ് സലീഷ് പെരിങ്ങോട്ടുകര, നിഖില്‍ സൈമണ്‍ എന്നിവരാണ് അണിയറപ്രവര്‍ത്തര്‍.
Recent Comments