മഴവില്ല് വനിതാ ഫിലിം സൊസൈറ്റി ആഗസ്റ്റ് 9, 10, 11 തീയതികളില്‍ കോട്ടയം അനശ്വര തീയറ്ററില്‍ സംഘടിപ്പിക്കുന്ന മൂന്നാമത് അന്താരാഷ്ട്ര ചലച്ചിത്രമേളയില്‍ ഐഷാസുല്‍ത്താന സംവിധാനം ചെയ്ത ‘ഫ്‌ളഷ്’ പ്രദര്‍ശിപ്പിക്കും. ആഗസ്റ്റ് 10 ന് അനശ്വര തീയറ്ററില്‍ രാവിലെ 10 മണിക്കാണ് ഫ്‌ളഷിന്റെ പ്രദര്‍ശനം.
ലക്ഷദ്വീപില്‍ നിന്നുള്ള ആദ്യ വനിതാ സംവിധായിക ഐഷാ സുല്‍ത്താന ഒരുക്കിയ ഫ്‌ളഷിന് ഇപ്പോള്‍ മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. കഴിഞ്ഞ ദിവസം നടന്ന അന്താരാഷ്ട്ര വനിതാ ചലച്ചിത്രമേളയില്‍ നിറഞ്ഞ സദസ്സിലാണ് ചിത്രം പ്രദര്‍ശിപ്പിച്ചത്.
ലക്ഷദ്വീപിന്റെ ഭൂപ്രകൃതി പശ്ചാത്തലമാക്കി ഒരുക്കിയ ഫ്‌ളഷ് ലക്ഷദ്വീപിന്റെ കഥയാണ് പറയുന്നത്. ‘കലാമൂല്യവും ജനപ്രിയവുമായ ഒരു സിനിമയാണ് ഫ്‌ളഷ്. ഞാനുള്‍പ്പെടെ ഒരുപാട് പേരുടെ വിയര്‍പ്പ് ആ ചിത്രത്തിന് പിന്നിലുണ്ട്,’ ഐഷാസുല്‍ത്താന പറയുന്നു. ‘എത്രയോ പേരുടെ ദിവസങ്ങള്‍ നീണ്ട അദ്ധ്വാനത്തിലൂടെയാണ് സിനിമ നിങ്ങളിലേക്ക് എത്തുന്നത്. എന്റെ നാടിന്റെ കഥയാണ് ആ സിനിമ പറയുന്നത്. ‘ഐഷാ സുല്‍ത്താന വ്യക്തമാക്കി.
പുതുമുഖ താരങ്ങളെയും ദ്വീപ് നിവാസികളെയും ഉള്‍പ്പെടുത്തിയാണ് ഫ്‌ളഷ് ചിത്രീകരിച്ചിരിക്കുന്നത്. നായികാ പ്രാധാന്യമുള്ള ചിത്രത്തില്‍ മുംബൈ മോഡലായ ഡിമ്പിള്‍ പോളാണ് കേന്ദ്രകഥാപാത്രത്തെ അവതരിപ്പിക്കുന്നത്. ബീനാ കാസിം നിര്‍മ്മിച്ചിരിക്കുന്ന ചിത്രത്തിന്റെ ക്യാമറ കൈകാര്യം ചെയ്തത് കെ.ജി. രതീഷാണ് എഡിറ്റിംഗ് നൗഫല്‍ അബ്ദുള്ളയും സംഗീതം വില്യം ഫ്രാന്‍സിസും, കൈലാഷ് മേനോനും നിര്‍വ്വഹിച്ചിരിക്കുന്നു. പിആര്‍ഒ
പിആര്‍ സുമേരന്‍.
Recent Comments