ദേവദൂതര്‍ പാടി, ആടി കുഞ്ചാക്കോ ബോബന്‍ തരംഗമാക്കിയതിന് പിന്നാലെ മറ്റൊരു ഡാന്‍സ് ചലഞ്ചുമായി എത്തുകയാണ് ബര്‍മുഡയുടെ അണിയറപ്രവര്‍ത്തകര്‍. ബര്‍മുഡയ്ക്കുവേണ്ടി മോഹന്‍ലാല്‍ പാടിയ ‘ചോദ്യചിഹ്നംപോലെ…’ എന്ന് തുടങ്ങുന്ന ഗാനത്തിന് ചുവട് വയ്ക്കാമോ എന്നാണ് അണിയറപ്രവര്‍ത്തകരുടെ ചോദ്യം. ഇതിന്റെ ആദ്യപടിയായി ഷെയ്ന്‍ നിഗം ഈ പാട്ടിന് നൃത്തം വയ്ക്കുന്ന വീഡിയോയും പോസ്റ്റ് ചെയ്തിട്ടുണ്ട. ഈ നൃത്തച്ചുവടുകള്‍ക്ക് റീല്‍ ചെയ്ത് അയയ്ക്കുന്നതാണ് മത്സരം. #barmudadancechallenge എന്ന ഹാഷ് ടാഗോടുകൂടി സോഷ്യല്‍ മീഡിയയില്‍ പങ്ക് വയ്ക്കുകയും വേണം. വിജയികള്‍ക്ക് ഷെയ്ന്‍ നിഗത്തിനും വിനയ് ഫോര്‍ട്ടിനുമൊപ്പമുള്ള സര്‍പ്രൈസ് മൊമെന്റാണ് അണിയറപ്രവര്‍ത്തകര്‍ വാഗ്ദാനം ചെയ്യുന്നത്.
ഷെയ്ന്‍ നിഗത്തെയും വിനയ് ഫോര്‍ട്ടിനെയും കേന്ദ്രകഥാപാത്രങ്ങളാക്കി ടി.കെ. രാജീവ് കുമാര്‍ സംവിധാനം ചെയ്യുന്ന ബര്‍മുഡ ആഗസ്റ്റ് 19 ന് തീയേറ്ററുകളില്‍ പ്രദര്‍ശനത്തിനെത്തും. ഹാസ്യത്തിന് പ്രാധാന്യമുള്ള ചിത്രത്തിന്റെ രചന കൃഷ്ണദാസ് പങ്കിയുടേതാണ്. സൈജു കുറുപ്പ്, സുധീര്‍ കരമന, മണിയന്‍പിള്ള രാജു, ഇന്ദ്രന്‍സ്, സാജല്‍ സുദര്‍ശന്‍, ദിനേഷ് പണിക്കര്‍, കോട്ടയം നസീര്‍, നന്ദു, നിരഞ്ജന അനൂപ്, ഗൗരി നന്ദ, നൂറിന്‍ ഷെറീഫ്, ഷൈനി സാറ എന്നിവരാണ് ചിത്രത്തിലെ മറ്റു കഥാപാത്രങ്ങളെ അവതരിപ്പിക്കുന്നത്.
Recent Comments