‘ഒരു കാലത്ത് റാഫി-മെക്കാര്‍ട്ടിന്‍ ടീമിന്റെ സിനിമയില്‍ അഭിനയിക്കാന്‍ അവസരം തേടി പോയിട്ടുണ്ട് ഞാന്‍. പക്ഷേ അതിനുള്ള ഭാഗ്യം എനിക്കുണ്ടായില്ല. എന്നാല്‍ ഇന്ന് റാഫിക്കയുടെ തിരക്കഥയില്‍ ഒരു സിനിമ സംവിധാനം ചെയ്യാനുള്ള മഹാഭാഗ്യം എന്നെത്തേടി എത്തിയിരിക്കുന്നു. ഇത് കാലത്തിന്റെ നിയോഗമാകാം.’ നാദിഷ-റാഫി കൂട്ടുകെട്ടില്‍ ഒരുങ്ങുന്ന പുതിയ ചിത്രത്തിന്റെ പ്രഖ്യാപനം നടന്നതിന് പിന്നാലെ കാന്‍ ചാനലിനോട് സംസാരിക്കുകയായിരുന്നു നാദിര്‍ഷ.
‘സിനിമയില്‍ അഭിനയിക്കാന്‍ കഴിഞ്ഞല്ലെങ്കിലും റാഫി മെക്കാര്‍ട്ടിന്‍ ചിത്രത്തില്‍ ഒരു പാട്ട് എഴുതാന്‍ എനിക്ക് അവസരം കിട്ടിയിട്ടുണ്ട്. ചിത്രം- പാണ്ടിപ്പട. അതിലെ പഞ്ചായത്തിലെ… എന്ന് തുടങ്ങുന്ന ഗാനം എഴുതിയത് ഞാനാണ്. സുരേഷ് പീറ്ററായിരുന്നു സംഗീത സംവിധായകന്‍. പടംപോലെതന്നെ ആ പാട്ടും സൂപ്പര്‍ഹിറ്റായിരുന്നു.’ നാദിര്‍ഷ തുടര്‍ന്നു.
‘ഹ്യൂമര്‍ ത്രില്ലറാണ് ഈ ചിത്രം. ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത് പുതുമുഖങ്ങളാണ്. ഷൂട്ടിംഗ് ഈ വര്‍ഷം അവസാനം ഉണ്ടാകും. കൊച്ചിയാണ് പ്രധാന ലൊക്കേഷന്‍. കലന്തൂര്‍ എന്റര്‍ടെയിന്‍മെന്റ്‌സാണ് ചിത്രം നിര്‍മ്മിക്കുന്നത്.’ നാദിര്‍ഷ പറഞ്ഞുനിര്‍ത്തി.
Recent Comments