മമ്മൂട്ടിയെ നായകനാക്കി ബി. ഉണ്ണികൃഷ്ണന്‍ സംവിധാനം ചെയ്യുന്ന ചിത്രത്തിന് ടൈറ്റിലായി- ക്രിസ്റ്റഫര്‍. മമ്മൂട്ടിയാണ് ടൈറ്റില്‍ ക്യാരക്ടറിനെ അവതരിപ്പിക്കുന്നത്. ഫസ്റ്റ് ലുക്ക് പോസ്റ്ററും പുറത്തിറക്കി. ഗണ്ണുമായി നില്‍ക്കുന്ന മമ്മൂട്ടിയുടെ ബാക്ക് ഷോട്ടിലുള്ള ചിത്രമാണ് പോസ്റ്ററിലുള്ളത്. കരുതലുള്ള ഒരു പോലീസ് ഓഫീസറുടെ ജീവചരിത്രം എന്ന ടാഗ് ലൈനാണ് നല്‍കിയിരിക്കുന്നത്. ചിത്രത്തില്‍ ഒരു പോലീസ് ഓഫീസറായി മമ്മൂട്ടി എത്തുന്നു.
ആര്‍.ഡി. ഇലുമിനേഷന്‍സിന്റെ ബാനറില്‍ ബി. ഉണ്ണികൃഷ്ണനാണ് ക്രിസ്റ്റഫര്‍ നിര്‍മ്മിക്കുന്നത്. ഉദയകൃഷ്ണയാണ് തിരക്കഥാകൃത്ത്. സ്‌നേഹ, അമലപോള്‍, ഐശ്വര്യ ലക്ഷ്മി എന്നിവര്‍ നായികമാരാവുന്ന ചിത്രത്തില്‍ പ്രതിനായകനായി വിനയ് റായും അഭിനയിക്കുന്നു. വിനയ് റായ് ആദ്യമായി മലയാളത്തില്‍ അഭിനയിക്കുന്ന ചിത്രം കൂടിയാണിത്.
സിദ്ധിഖ്, ഷൈന്‍ ടോം ചാക്കോ, ദിലീഷ് പോത്തന്‍, ജിനു എബ്രഹാം, വിനീത കോശി, വാസന്തി തുടങ്ങി നിരവധി താരങ്ങളോടൊപ്പം മുപ്പത്തിയഞ്ചോളം പുതുമുഖങ്ങളും അഭിനയിക്കുന്നു. എറണാകുളം, പൂയംകുട്ടി, വണ്ടിപെരിയാര്‍ എന്നിവിടങ്ങളിലായി ക്രിസ്റ്റഫറിന്റെ ചിത്രീകരണം പുരോഗമിക്കുകയാണ്.
ഛായാഗ്രഹണം ഫൈസ് സിദ്ധിക്ക്. സംഗീതം ജസ്റ്റിന്‍ വര്‍ഗീസ്, എഡിറ്റര്‍ മനോജ്, പ്രൊഡക്ഷന്‍ കണ്‍ട്രോളര്‍ അരോമ മോഹന്‍.
Recent Comments