തുടക്കം മുതല്‍ സസ്പെന്‍സ് നിലനിര്‍ത്തി ഒറ്റിന്റെ ട്രെയിലര്‍ പുറത്ത് വന്നിരിക്കുകയാണ്. ആക്ഷനും സസ്‌പെന്‍സും ഇടകലര്‍ത്തി ഒരു ത്രില്ലര്‍ മൂഡിലാണ് ട്രെയിലര്‍ അവതരിപ്പിച്ചിരിക്കുന്നത്. കുഞ്ചാക്കോ ബോബനും അരവിന്ദ് സാമിയുമാണ് ചിത്രത്തില്‍ കേന്ദ്രകഥാപാത്രങ്ങളെ അവതരിപ്പിക്കുന്നത്.
ദ്വിഭാഷയായി ഒരുങ്ങുന്ന ചിത്രത്തിന്റെ തമിഴ് പതിപ്പിന്റെ പേര് ‘രണ്ടകം’ എന്നാണ്. 1996 പുറത്തിറങ്ങിയ ദേവരാഗം എന്ന ചിത്രത്തിനുശേഷം അരവിന്ദ് സ്വാമി അഭിനയിക്കുന്ന മലയാളം ചിത്രം കൂടിയാണിത്. ഹോളിവുഡ് താരം ജാക്കി ഷെറോഫും ഒരു പ്രധാന വേഷത്തില്‍ എത്തുന്നു. തെലുങ്ക് താരം ഇഷ റെബ്ബയാണ് നായിക.
ടി.പി. ഫെലിനി സംവിധാനം ചെയ്യുന്ന ചിത്രത്തിന്റെ തിരക്കഥ രചിച്ചിരിക്കുന്നത് എസ് സജീവാണ്. ആഗസ്റ്റ് സിനിമയുടെ ബാനറില്‍ ഷാജി നടേശനും ആര്യയും ചേര്‍ന്നാണ് ‘ഒറ്റ്’ നിര്‍മ്മിച്ചിരിക്കുന്നത്. എ.എച്ച്. കാശിഫാണ് സംഗീതം. ചിത്രം ഓണത്തിന് തിയേറ്ററുകളില്‍ എത്തും.
Recent Comments