മാണിരത്നത്തിന്റെ സംവിധാനത്തില്‍ ഒരുങ്ങുന്ന ബ്രഹ്‌മാണ്ഡ ചിത്രം ‘പൊന്നിയിന്‍ ശെല്‍വന്‍ 1’ ലെ ‘ചോഴാ ചോഴാ’ എന്നാരംഭിക്കുന്ന ഗാനത്തിന്റെ മേക്കിംഗ് വീഡിയോ പുറത്ത് വിട്ടിരിക്കുകയാണ് അണിയറ പ്രവര്‍ത്തകര്‍. റഫീക്ക് അഹമദിന്റെ വരികള്‍ക്ക് സംഗീതം നല്‍കിയിരിക്കുന്നത് എ.ആര്‍. റഹ്‌മാനാണ്. ബെന്നി ദയാലും ജിതിന്‍രാജും ചേര്‍ന്നാണ് ഗാനമാലപിച്ചിരിക്കുന്നത്. ഈ ഗാനരംഗത്തില്‍ ആദിത്യ കരികാലന്‍ എന്ന കഥാപാത്രത്തെ അവതരിപ്പിക്കുന്ന വിക്രമാണ് പ്രത്യക്ഷപ്പെടുന്നത്.
സെപ്റ്റംബര്‍ 30 ന് ഇന്ത്യ ഒട്ടാകെയുള്ള തീയേറ്ററുകളില്‍ പൊന്നിയന്‍ സെല്‍വന്‍ 1 (PS1) റിലീസ് ചെയ്യും. വിക്രം, ജയം രവി, ഐശ്വര്യ റായ്, കാര്‍ത്തി, ജയറാം തുടങ്ങി വന്‍ താരനിരയാണ് ചിത്രത്തില്‍ അണിനിരക്കുന്നത്. മണിരത്‌നത്തിന്റെ തന്നെ നിര്‍മ്മാണ കമ്പനിയായ മദ്രാസ് ടാക്കീസും ലൈക്ക പ്രൊഡക്ഷന്‍സും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. തമിഴ്, തെലുങ്ക്, ഹിന്ദ്, മലയാളം, ഹിന്ദി, കന്നഡ എന്നീ ഭാഷകളിലായിട്ടാണ് പൊന്നിയിന്‍ ശെല്‍വന്‍ 1 പുറത്തിറങ്ങുന്നത്.
Recent Comments