അജി ജോണ്‍, ഐ.എം. വിജയന്‍ എന്നിവരെ കേന്ദ്ര കഥാപാത്രങ്ങളാക്കി പയസ് രാജ് സംവിധാനം ചെയ്യുന്ന ‘സിദ്ദി’ എന്ന ക്രൈം ത്രില്ലര്‍ ചിത്രത്തിലെ രണ്ടാമത്തെ വീഡിയോ ഗാനം റീലിസായി. ഒരു പെപ്പി ഡാന്‍സ് ഐറ്റം ഗണത്തില്‍പ്പെടുന്ന ഗാനം രചിച്ചിരിക്കുന്നത് സി.എന്‍. ശ്രീവത്സനാണ്. രമേഷ് നാരായണന്‍ സംഗീതമൊരുക്കിയ ഈ ഗാനം ആലപിച്ചിരിക്കുന്നത് മധുശ്രീ നാരായണ്‍, മധുവന്തി നാരായണ്‍, സൂരജ് സന്തോഷ് എന്നിവര്‍ ചേര്‍ന്നാണ്.
സൂര്യ ഫിലിം പ്രൊഡക്ഷന്‍സിന്റെ ബാനറില്‍ മഹേശ്വരന്‍ നന്ദഗോപാല്‍ നിര്‍മ്മിക്കുന്ന ചിത്രത്തില്‍ രാജേഷ് ശര്‍മ്മ, അക്ഷയ ഉദയകുമാര്‍, ഹരിത ഹരിദാസ്, വേണു നരിയാപുരം, ഹരികൃഷ്ണന്‍, മധു വിഭാഗര്‍, ദിവ്യ ഗോപിനാഥ്, തനുജ കാര്‍ത്തിക്, സ്വപ്ന പിള്ള തുടങ്ങിയവരും അഭിനയിക്കുന്നു. ചിത്രം സെപ്തംബറില്‍ റിലീസിനെത്തുമെന്ന് അണിയറ പ്രവര്‍ത്തകര്‍ അറിയിച്ചു.
കാര്‍ത്തിക് എസ് നായര്‍ ഛായാഗ്രാഹണം നിര്‍വ്വഹിക്കുന്ന ചിത്രത്തിന്റെ എഡിറ്റര്‍ അജിത് ഉണ്ണികൃഷ്ണന്‍, ലൈന്‍ പ്രൊഡ്യൂസര്‍ അഡ്വ. കെ.ആര്‍ ഷിജുലാല്‍, പ്രൊഡക്ഷന്‍ കണ്‍ട്രോളര്‍ സുനില്‍ എസ്.കെ, കല ബനിത് ബത്തേരി, വസ്ത്രാലങ്കാരം ഭക്തന്‍ മങ്ങാട്, മേക്കപ്പ് സുധി സുരേന്ദ്രന്‍, പി.ആര്‍.ഒ പി. ശിവപ്രസാദ്, സ്റ്റില്‍സ് സാബു കോട്ടപ്പുറം, പരസ്യകല ആന്റണി സ്റ്റീഫന്‍സ് എന്നിവരാണ് മറ്റ് അണിയറ പ്രവര്‍ത്തകര്‍.
Recent Comments