ദുരൂഹതയും ആകാംക്ഷയും നിറച്ച് മമ്മൂട്ടി ചിത്രം റോഷാക്കിന്റെ മേക്കിങ്ങ് വീഡിയോ പുറത്തിറങ്ങി. സെപ്റ്റംബര്‍ ഏഴിന് ചിത്രത്തിന്റെ ഒഫീഷ്യല്‍ ട്രെയിലര്‍ പുറത്തിറങ്ങും. കെട്ട്യോളാണ് എന്റെ മാലാഖയ്ക്കുശേഷം നിസാം ബഷീര്‍ ഒരുക്കുന്ന ചിത്രം കൂടിയാണ് റോഷാക്ക്. ത്രില്ലറാണ് ചിത്രം. റോഷാക്ക് നിര്‍മ്മിച്ചിരിക്കുന്നത് മമ്മൂട്ടിയാണ്. മമ്മൂട്ടിയെ നായകനാക്കി ലിജോ ജോസ് പെല്ലിശ്ശേരി ഒരുക്കുന്ന നന്‍പകല്‍ നേരത്ത് മയക്കം എന്ന ചിത്രവും നിര്‍മ്മിച്ചിരിക്കുന്നതും മമ്മൂട്ടി കമ്പനിയാണ്. വേഫെറര്‍ ഫിലിംസാണ് ചിത്രം തീയറ്ററുകളില്‍ എത്തിക്കുന്നത്.
കൊച്ചിയിലും ദുബായിലുമായിട്ടാണ് ചിത്രത്തിന്റെ ഷൂട്ടിംഗ് പൂര്‍ത്തിയായത്. ഷെറഫുദ്ദീന്‍, ജഗദീഷ്, ഗ്രേസ് ആന്റണി, ബിന്ദു പണിക്കര്‍, സഞ്ജു ശിവറാം, കോട്ടയം നസീര്‍, ബാബു അന്നൂര്‍, മണി ഷൊര്‍ണ്ണൂര്‍ തുടങ്ങിയവരും ചിത്രത്തില്‍ അഭിനയിക്കുന്നു. അഡ്വേഞ്ചേഴ്സ് ഓഫ് ഓമനക്കുട്ടന്‍, ഇബ്ലീസ് എന്നീ ചിത്രങ്ങള്‍ക്ക് തിരക്കഥ ഒരുക്കിയ സമീര്‍ അബ്ദുള്‍ ആണ് റോഷാക്കിന്റെ കഥാകാരന്‍.
Recent Comments