ഇന്ദ്രന്‍സിനെയും ഷറഫുദ്ദീനെയും കേന്ദ്രകഥാപാത്രങ്ങളാക്കി ഷാഫി സംവിധാനം ചെയ്യുന്ന ചിത്രത്തിന് ടൈറ്റിലായി- ആനന്ദം പരമാനന്ദം. മമ്മൂട്ടിയാണ് തന്റെ ഫെയ്സ്ബുക്ക് പേജിലൂടെ ടൈറ്റില്‍ പുറത്തുവിട്ടത്.
ചിത്രത്തിന്റെ ഷൂട്ടിംഗ് കൊല്ലങ്കോടും കൊടുവായൂരുമായി പൂര്‍ത്തിയാക്കിയിരുന്നു. പോസ്റ്റ് പ്രൊഡക്ഷന്‍ വര്‍ക്കുകള്‍ പുരോഗമിക്കുന്നതിനിടെയാണ് ടൈറ്റില്‍ പുറത്തു വിട്ടിരിക്കുന്നത്. ഒക്ടോബറില്‍ സിനിമ തീയേറ്ററുകളില്‍ പ്രദര്‍ശനത്തിനെത്തും.
ഒരു അമ്മയിയപ്പന്റെയും മരുമകന്റെയും രസകരമായ കഥ പറയുന്ന ചിത്രമാണ് ആനന്ദം പരമാനന്ദം. സിന്ധുരാജാണ് കഥയും തിരക്കഥയും സംഭാഷണവും എഴുതുന്നത്. അമ്മായപ്പനായി ഇന്ദ്രന്‍സും മരുമകനായി ഷറഫുദ്ദീനും വേഷമിടുന്നു. ദിവാകരകുറുപ്പെന്നാണ് ഇന്ദ്രന്‍സ് അവതരിപ്പിക്കുന്ന കഥാപാത്രത്തിന്റെ പേര്. ഗിരീഷ് പി.പി. ആയി എത്തുന്നത് ഷറഫുദ്ദീനുമാണ്. അനഘ നാരായണന്‍ ഷറഫുദ്ദീന്റെ ജോഡിയായി അഭിനയിക്കുന്നു. അജു വര്‍ഗ്ഗീസ്, ബൈജു സന്തോഷ്, സാദിഖ്, സനൂജ്, വനിത കൃഷ്ണചന്ദ്രന്‍, നിഷ സാരംഗി തുടങ്ങിയവരും ചിത്രത്തില്‍ വേഷമിടുന്നു.
പഞ്ചവര്‍ണ്ണത്തത്ത, ആനക്കള്ളന്‍ എന്നീ ചിത്രങ്ങള്‍ക്ക് ശേഷം സപ്തതരംഗ് ക്രിയേഷന്‍സാണ് ചിത്രം നിര്‍മ്മിക്കുന്നത്. മനോജ് പിള്ള ഛായാഗ്രഹണവും ഷാന്‍ റഹ്‌മാന്‍ സംഗീത സംവിധാനവും നിര്‍വ്വഹിക്കുന്നു.
Recent Comments