ബിബിന്‍ ജോര്‍ജും വിഷ്ണു ഉണ്ണികൃഷ്ണനും ആദ്യമായി രചനയും സംവിധാനവും നിര്‍വ്വഹിക്കുന്ന ചിത്രമാണ് വെടിക്കെട്ട്. ചിത്രത്തിന്റെ റിലീസ് തീയതി പ്രഖ്യാപിച്ചിരിക്കുകയാണ് അണിയറ പ്രവര്‍ത്തകര്‍. ഒക്ടോബര്‍ 28 ന് ചിത്രം തീയേറ്ററുകളില്‍ എത്തും.
ബിബിന്‍ ജോര്‍ജും വിഷ്ണു ഉണ്ണികൃഷ്ണനുമൊപ്പം 180 ഓളം പുതുമുഖങ്ങളാണ് ചിത്രത്തില്‍ വേഷമിടുന്നത്. എറണാകുളത്തും പരിസരപ്രദേശങ്ങളിലുമായി ചിത്രീകരിച്ച സിനിമ 77 ദിവസംകൊണ്ടാണ് ഷൂട്ടിംഗ് പൂര്‍ത്തിയാക്കിയത്. ഗുരുതരമായി കൈപ്പൊള്ളലേറ്റ് വിഷ്ണു ഉണ്ണികൃഷ്ണനെ ഹോസ്പിറ്റലില്‍ അഡ്മിറ്റ് ചെയ്തതൊഴിച്ചാല്‍ പ്ലാന്‍ ചെയ്ത ഷെഡ്യൂളിലാണ് സിനിമ പൂര്‍ത്തിയായതും.
ബാദുഷ എന്‍.എമ്മും ഷിനോയ് മാത്യുവും ചേര്‍ന്നാണ് വെടിക്കെട്ട് നിര്‍മ്മിക്കുന്നത്. ജിയോ ജോസഫും ഹന്നാര്‍ മാരാമുറ്റമാണ് സഹനിര്‍മ്മാതാക്കള്‍. രതീഷ് റാം ഛായാഗ്രഹണവും ജോണ്‍കുട്ടി എഡിറ്റിംഗും നിര്‍വ്വഹിക്കുന്ന ചിത്രത്തിന്റെ പ്രൊഡക്ഷന്‍ കണ്‍ട്രോളര്‍ സുധര്‍മ്മന്‍ വള്ളിക്കുന്നാണ്.
Recent Comments