കാര്‍ത്തിയെ നായകനാക്കി പി.എസ്. മിത്രന്‍ തിരക്കഥയെഴുതി സംവിധാനം ചെയ്യുന്ന പുതിയ ചിത്രമാണ് ‘സര്‍ദാര്‍’. കാര്‍ത്തിയുടെ കരിയറിലെ ഏറ്റവും വലിയ മുടക്കുമുതലുള്ള ചിത്രമാണിത്. സര്‍ദാര്‍ ദീപാവലിക്ക് പ്രദര്‍ശനത്തിനെത്താനിരിക്കെ കേരളത്തിലെ വിതരണവകാശം ഫോര്‍ച്യൂണ്‍ സിനിമാസ് സ്വന്തമാക്കി. വിജയ്‌യുടെ മാസ്റ്റര്‍, കാര്‍ത്തിയുടെ സുല്‍ത്താന്‍ എന്നീ ചിത്രങ്ങള്‍ കേരളത്തില്‍ വിതരണം ചെയ്തതും ഫോര്‍ച്യൂണായിരുന്നു. ഉദയനിധി സ്റ്റാലിന്റെ റെഡ് ജിയാന്റ് മൂവീസ് ആണ് തമിഴ്‌നാട്ടിലെ തിയറ്റര്‍ റൈറ്റ്‌സ് സ്വന്തമാക്കിയത്.
പ്രിന്‍സ് പിക്‌ച്ചേഴ്‌സിന്റെ ബാനറില്‍ എസ്. ലക്ഷ്മണ്‍കുമാറാണ് ചിത്രം നിര്‍മ്മിക്കുന്നത്. ജി.വി. പ്രകാശ് കുമാറാണ് സംഗീത സംവിധായകന്‍. ഛായാഗ്രഹണം ജോര്‍ജ് സി വില്യംസ്. റൂബനാണ് എഡിറ്റര്‍. ബോളിവുഡ് നടന്‍ ചങ്കി പാണ്ഡെ ചിത്രത്തില്‍ അഭിനയിക്കുന്നു. റാഷി ഖന്ന, രജീഷ വിജയന്‍ എന്നിവരാണ് ചിത്രത്തില്‍ നായികമാരായി എത്തുന്നത്.
ഒരു സ്‌പൈ ആക്ഷന്‍ ചിത്രമായിരിക്കും ‘സര്‍ദാര്‍’. വിദേശ രാജ്യങ്ങളിലടക്കമാണ് ‘സര്‍ദാര്‍’ ചിത്രം ഷൂട്ട് ചെയ്തത്.
Recent Comments