ആര്യ നായകനായെത്തുന്ന ബിഗ് ബഡ്ജറ്റ് ചിത്രം ‘ക്യാപ്റ്റന്‍’ സെപ്റ്റംബര്‍ 8 ന് കേരളത്തില്‍ തിയേറ്ററുകളിലെത്തുന്നു. കേരളത്തില്‍ വിക്രം, ആര്‍ ആര്‍ ആര്‍, ഡോണ്‍ എന്നീ ചിത്രങ്ങളുടെ വിജയത്തിന് ശേഷം ഷിബു തമീന്‍സിന്റെ നേതൃത്വത്തില്‍ റിയാ ഷിബുവിന്റെ എച്ച്.ആര്‍. പിക്‌ചേഴ്‌സാണ് കേരളത്തിലെ വിതരണക്കാര്‍.
ശക്തി സൗന്ദര്‍ രാജന്‍ സംവിധാനം ചെയ്യുന്ന ക്യാപ്റ്റനില്‍ ഇന്ത്യന്‍ ആര്‍മി ക്യാപ്റ്റന്‍ വെട്രി സെല്‍വന്‍ എന്ന കഥാപാത്രത്തെയാണ് ആര്യ അവതരിപ്പിക്കുന്നത്. മലയാളിയായ ഐശ്വര്യ ലക്ഷ്മിയാണ് ചിത്രത്തിലെ നായികാ കഥാപാത്രത്തെ അവതരിപ്പിക്കുന്നത്. സിമ്രാന്‍ ബാഗ, ഹരീഷ് ഉത്തമന്‍, മാളവിക അവിനാഷ്, ഗോകുല്‍ നാഥ്, ആദിത്യ മേനോന്‍ എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
ക്യാമറ എസ്സ് യുവ, സംഗീതം ഡി ഇമ്മന്‍, എഡിറ്റിംഗ് പ്രദീപ് ഇ രാഘവ്, സ്റ്റണ്ട്‌സ് ശക്തി ശരവണന്‍, ഗണേഷ് കെ, ആര്‍ട്ട് ഡയറക്ടര്‍ എസ് എസ് മൂര്‍ത്തി, ഡയറക്ടര്‍ ഓഫ് ഫോട്ടോഗ്രാഫി എസ് യുവ. ക്യാപ്റ്റന്റെ ട്രെയിലര്‍ ആറു മില്യണില്‍പരം കാഴ്ചക്കാരാണ് കണ്ടിരിക്കുന്നത്. ട്രെയിലറിന്റെ സ്വീകാര്യത സൂചിപ്പിക്കുന്നത് പ്രേക്ഷര്‍ക്ക് ഒരു ഗംഭീര ഓണവിരുന്നായിരിക്കും ക്യാപ്റ്റന്‍ എന്ന ചിത്രം. പിആര്‍ഒ പ്രതീഷ് ശേഖര്‍.
Recent Comments