കുഞ്ചാക്കോ ബോബനും അരിവന്ദ് സ്വാമിയും പ്രധാന കഥാപാത്രങ്ങളാകുന്ന ഒറ്റിന്റെ റിലീസ് തീയതി പ്രഖ്യാപിച്ചു. ചിത്രം തിരുവോണ ദിനമായ സെപ്തംബര്‍ 8 ന് തീയേറ്ററുകളില്‍ റിലീസ് ചെയ്യും. കുഞ്ചാക്കോ ബോബന്‍ തന്റെ ഫെയ്‌സ് ബുക്ക് പേജിലൂടെയാണ് റിലീസ് തീയതി അനൗണ്‍സ് ചെയ്തത്. സെപ്തംബര്‍ രണ്ടിന് റിലീസ് ചെയ്യുമെന്നാണ് നേരത്തെ പ്രഖ്യാപിച്ചിരുന്നത്. തമിഴ് പതിപ്പിന്റെ റിലീസുമായി ബന്ധപ്പെട്ടുള്ള കാരണങ്ങളാല്‍ റിലീസ് മാറ്റുകയായിരുന്നു.
തമിഴിലും മലയാളത്തിലുമായി ഒരുങ്ങുന്ന ചിത്രം ടി.പി. ഫെല്ലിനിയാണ് ചിത്രം സംവിധാനം ചെയ്തിരിക്കുന്നത്. തമിഴില്‍ രണ്ടകം എന്ന പേരിലാണ് ചിത്രം റിലീസ് ചെയ്യുക. ദി ഷോ പീപ്പിളിന്റെ ബാനറില്‍ ആര്യയും ഓഗസ്റ്റ് സിനിമാസിന്റെ ബാനറില്‍ ഷാജി നടേശനും ചേര്‍ന്നാണ് ഒറ്റ് നിര്‍മ്മിച്ചിരിക്കുന്നത്. ഈഷ റബ്ബയാണ് നായിക. ജാക്കി ഷ്‌റോഫാണ് ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. എസ്. സജീവ് തിരക്കഥയെഴുതിയ ചിത്രത്തിന്റെ ഛായാഗ്രഹണം നിര്‍വ്വഹിച്ചിരിക്കുന്നത് വിജയ് ആണ്. അപ്പു ഭട്ടതിരി എഡിറ്റിംഗും സ്റ്റെഫി സേവ്യര്‍ വസ്ത്രാലങ്കാരവും റോണക്‌സ് സേവ്യര്‍ മേക്കപ്പും നിര്‍വ്വഹിച്ചിരിക്കുന്നു.
Recent Comments