വലിയ യാത്രാപ്രേമിയാണ് അജിത്. ബൈക്കില്‍ ലോകം ചുറ്റിക്കറങ്ങാനാണ് താരത്തിന് കൂടുതലിഷ്ടം. ഇടയ്ക്കിടയ്ക്ക് അജിത് ബൈക്കില്‍ റോഡ് ട്രിപ്പുകള്‍ നടത്താറുള്ള ചിത്രങള്‍ ഒക്കെ വൈറലായി മാറാറുമുണ്ട്. റഷ്യയിലേക്കും ഇന്ത്യയുടെ ഉള്‍നാടന്‍ ഗ്രാമങ്ങളിലേക്കുമൊക്കെ അജിത് ബൈക്ക് ട്രിപ്പുകള്‍ സംഘടിപ്പിച്ചിരുന്നു.
ഇപ്പോഴിതാ അജിത്തിനൊപ്പം ബൈക്ക് യാത്ര നടത്തിയതിന്റെ സന്തോഷം പങ്കുവയ്ക്കുകയാണ് മഞ്ജു വാര്യര്‍. അജിത്തിനൊപ്പമുള്ള ചിത്രങ്ങള്‍ പങ്കുവച്ച് മഞ്ജു കുറിച്ചതിങ്ങനെ-
‘ഞങ്ങളുടെ റൈഡര്‍ സൂപ്പര്‍ സ്റ്റാര്‍ അജിത് കുമാര്‍ സാറിന് വലിയ ഒരു നന്ദി! അദ്ദേഹം ഒരു തീക്ഷ്ണ യാത്രികനായതിനാല്‍, അദ്ദേഹത്തിനൊപ്പം ഫോര്‍ വീലറില്‍ ഒരുപാടു ദൂരം സഞ്ചരിക്കാനുള്ള അവസരം എനിക്കുണ്ടായിട്ടുണ്ട്. ആദ്യമായിട്ടാണ് ഇരുചക്രവാഹനത്തില്‍ ഞാന്‍ ഒരു ടൂര്‍ നടത്തുന്നത്. ആവേശഭരിതരായ ബൈക്ക് യാത്രക്കാരുടെ ഈ അത്ഭുതകരമായ ഗ്രൂപ്പില്‍ ചേരാന്‍ എന്നെ ക്ഷണിച്ചതിന് അഡ്വഞ്ചര്‍ റൈഡേഴ്സ് ഇന്ത്യയ്ക്ക് വലിയ നന്ദി. അഡ്വഞ്ചര്‍ റൈഡേഴ്സ് ഇന്ത്യയുടെ മിസ്റ്റര്‍ സുപ്രേജ് വെങ്കിട്ടിനെ അജിത് സാര്‍ പരിചയപ്പെടുത്തിയത് അഭിമാനകരമായ കാര്യമാണ്! നന്ദി സര്‍! ഒത്തിരി സ്‌നേഹം!’ മഞ്ജു കുറിച്ചു.
Recent Comments