വിജയ് സേതുപതിയും സൂരിയും പ്രധാന കഥാപാത്രങ്ങളാകുന്ന വിടുതലൈ അവതരിപ്പിക്കുന്ന വിടുതലൈ തമിഴകത്തെ ഹിറ്റ് മേക്കര്‍ വെട്രിമാരന്‍ സംവിധാനം ചെയ്യുന്നു. ആര്.എസ് ഇന്‍ഫോടെയ്ന്‍മെന്റ് & റെഡ് ജയന്റ് മൂവീസിന്റെ ബാനറില്‍ എല്‍ഡ്രെഡ് കുമാറും ഉദയനിധി സ്റ്റാലിനും ചേര്‍ന്നാണ് ചിത്രം നിര്‍മ്മിക്കുന്നത്. വമ്പന്‍ ബജറ്റില്‍ നിര്‍മ്മിക്കുന്ന ചിത്രം ഒരുങ്ങുന്ന രണ്ട് ഭാഗങ്ങളായിട്ടാണ് ഒരുങ്ങുന്നത്.
വിടുതലൈയുടെ ഒന്നാം ഭാഗത്തിന്റെ ചിത്രീകരണം ഇതിനോടകം പൂര്‍ത്തിയായിട്ടുണ്ട്, പോസ്റ്റ് പ്രൊഡക്ഷന്‍ ജോലികള്‍ പുരോഗമിച്ചുവരികയാണ്. അതോടൊപ്പം രണ്ടാം ഭാഗത്തിന്റെ ചിത്രീകരണവും സിരുമലയിലും കൊടൈക്കനാലിലും പരിസരപ്രദേശങ്ങളിലുമായി അവസാനഘട്ടത്തിലാണ്. തമിഴകത്ത് അടുത്ത് വരാനിരിക്കുന്ന ബിഗ് ബജറ്റ് ചിത്രങ്ങളില്‍ ഒന്നാണ് വിടുതലൈ.
കലാസംവിധായകന്‍ ജാക്കിയുടെ നേതൃത്വത്തിലുള്ള കലാവിഭാഗം സിരുമലയില്‍ കൂറ്റന്‍ ഗ്രാമസെറ്റ് ഒരുക്കിയിരുന്നു. കൂടാതെ 10 കോടിയില്‍ പരം മുതല്‍മുടക്കില്‍ ട്രെയിനും റയില്‍വേ പാലവും ചിത്രത്തിനുവേണ്ടി ഒരുക്കിയതും ഏറെ മാധ്യമ ശ്രദ്ധ നേടിയിരുന്നു. ബര്‍ഗേറിയയില്‍ നിന്നും ഒരു സംഘം സ്റ്റന്‍ഡ് ആര്‍ടിസ്റ്റുകളെ ഉള്‍പ്പെടുത്തി പീറ്റര്‍ ഹെയ്ന്‍ ഒരുക്കുന്ന സംഘട്ടനരംഗങ്ങളും ചിത്രത്തിന്റെ മുഖ്യ ആകര്‍ഷണങ്ങളില്‍ ഒന്നാണ്.
ഭവാനി ശ്രീ, പ്രകാശ് രാജ്, ഗൗതം വാസുദേവ് മേനോന്‍, രാജീവ് മേനോന്‍, ചേതന്‍ തുടങ്ങിയ പ്രമുഖ അഭിനേതാക്കളും താരനിരയിലുണ്ട്. വേല്‍രാജ് ഛായാഗ്രഹണം നിര്‍വ്വഹിക്കുന്ന വിടുതലൈ മാസ്ട്രോ ഇസൈജ്ഞാനിയാണ് സംഗീതം ഒരുക്കുന്നത്. ചിത്രത്തിന്റെ റിലീസുമായി ബന്ധപ്പെട്ടുള്ള ഔദ്യോഗിക പ്രഖ്യാപനം അണിയറ പ്രവര്‍ത്തകര്‍ ഉടന്‍ തന്നെ പുറത്ത് വിടും. പി.ആ.ഒ ശബരി.
Recent Comments