ദി റൂട്ട്, പാഷന്‍ സ്റ്റുഡിയോസ് എന്നിവയുടെ ബാനറില്‍ ജഗദീഷ് പളനിസ്വാമിയും സുധന്‍ സുന്ദരവും നിര്‍മിക്കുന്ന ചിത്രത്തില്‍ കല്യാണി പ്രിയദര്‍ശന്‍ കേന്ദ്ര കഥാപാത്രത്തെ അവതരിപ്പിക്കുന്നു. ‘ശേഷം മൈക്കില്‍ ഫാത്തിമ’ എന്നാണ് ചിത്രത്തിന്റെ പേര്.
വളരെ രസകരമായ ഒരു വിഡിയോയിലൂടെയാണ് ചിത്രത്തിന്റെ അനൗണ്‍സ്മെന്റ്. ഗര്‍ജ്ജിക്കുന്ന തോക്കുകളുടെ ഇടിമുഴക്കങ്ങള്‍ ഇല്ലാതെ, കണ്ണഞ്ചിപ്പിക്കുന്ന നൃത്തനൃത്യങ്ങള്‍ ഇല്ലാതെ, സൈക്കോ പാത്തുകള്‍ രക്തം കൊണ്ട് കളം വരയ്ക്കുന്ന പടയൊരുക്കങ്ങള്‍ ഇല്ലാതെ നെഞ്ചില്‍ നിന്നെടുത്ത വാക്കുകള്‍ വാക്കുകള്‍ എന്ന ദുല്‍ഖര്‍ സല്‍മാന്റെ അനൗണ്‍സ്മെന്റിലൂടെയാണ് കല്യാണി പ്രിയദര്‍ശന്റെ പുതിയ ചിത്രത്തിന്റെ തുടക്കം. മനു സി കുമാര്‍ സംവിധാനം ചെയ്യുന്ന ചിത്രത്തിനെ വാക്കുകള്‍ കൊണ്ടൊരു പുത്തന്‍ സിനിമ എന്ന് വിശേഷിപ്പിച്ചാണ് ദുല്‍ഖര്‍ അനൗണ്‍സ്മെന്റ് നിര്‍ത്തുന്നത്. കല്യാണിക്കു പുറമെ സുധീഷ്, ഫെമിന, സാബുമോന്‍, ഷഹീന്‍ സിദ്ധിഖ്, ഷാജു ശ്രീധര്‍, മാല പാര്‍വതി, അനീഷ് ജി മേനോന്‍, സരസ ബാലുശ്ശേരി, രൂപ ലക്ഷ്മി, ബാലതാരങ്ങളായ തെന്നല്‍, വാസുദേവ് തുടങ്ങിയവരും അഭിനയിക്കുന്നു.
ഛായാഗ്രഹണം സന്താന കൃഷ്ണന്‍, എഡിറ്റര്‍ കിരണ്‍ ദാസ്, ആര്‍ട്ട് നിമേഷ് താനൂര്‍, കോസ്റ്റും ധന്യാ ബാലകൃഷ്ണന്‍, മേക്കപ്പ് റോണെക്‌സ് സേവ്യര്‍, എക്‌സിക്യൂട്ടീവ് പ്രൊഡ്യൂസര്‍ രഞ്ജിത് നായര്‍, ചീഫ് അസ്സോസിയേറ്റ് സുകു ദാമോദര്‍, പബ്ലിസിറ്റി യെല്ലോ ടൂത്ത്‌സ്, പ്രൊഡക്ഷന്‍ കണ്‍ട്രോളര്‍ റിച്ചാര്‍ഡ്, ക്രിയേറ്റിവ് പ്രൊഡ്യൂസര്‍ ഐശ്വര്യ സുരേഷ്, മ്യൂസിക് ഡയറക്ടര്‍ ഹെഷാം അബ്ദുള്‍ വഹാബ്, പിആര്‍ഒ പ്രതീഷ് ശേഖര്‍.
Recent Comments