സാന്ദ്രാ തോമസ് പ്രൊഡക്ഷന്‍ കമ്പനിയുടെ ബാനറില്‍ സാന്ദ്രാതോമസും വില്‍സണ്‍ തോമസും ചേര്‍ന്ന് നിര്‍മിക്കുന്ന ആദ്യ ചിത്രമാണ് ‘നല്ല നിലാവുള്ള രാത്രി’. പുതുമുഖങ്ങള്‍ക്ക് കൂടുതല്‍ അവസരം നല്‍കുക എന്ന ലക്ഷ്യത്തോടെയാണ് സാന്ദ്രാ തോമസ് പ്രൊഡക്ഷന്‍ കമ്പനി പ്രവര്‍ത്തിക്കുന്നത്. നവാഗതനായ മര്‍ഫി ദേവസ്സിയാണ് ചിത്രത്തിന്റെ സംവിധാനം നിര്‍വ്വഹിക്കുന്നത്. ചിത്രത്തിന്റെ പൂജയും ഷൂട്ടിങ്ങും കാന്തല്ലൂര്‍ വൃന്ദാവന്‍ ഗാര്‍ഡന്‍സില്‍ ആരംഭിച്ചു.
ചെമ്പന്‍ വിനോദ് ജോസ്, ബാബുരാജ്, ജിനു ജോസഫ്, ബിനു പാപ്പു, റോണി ഡേവിഡ് രാജ്, ഗണപതി, നിതിന്‍ ജോര്‍ജ്, സജിന്‍ ചെറുകയില്‍ എന്നിവരാണ് ഈ ആക്ഷന്‍ ത്രില്ലര്‍ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.
ചെറുപ്പക്കാരെയും നിലവാരമുള്ള പുതുമ ആഗ്രഹിക്കുന്ന സിനിമകള്‍ കാണാന്‍ ആഗഹിക്കുന്നവരെയും മാസ്സ് ആക്ഷന്‍ സിനിമകള്‍ കാണാന്‍ ഇഷ്ടമുള്ള പ്രേക്ഷകരെയും പൂര്‍ണ്ണമായും തൃപ്തിപെടുത്തുന്ന സീറ്റ് എഡ്ജ് ത്രില്ലര്‍ കഥാ രീതിയാണ് ചിത്രത്തില്‍ അവലംഭിച്ചിരിക്കുന്നത്. അജയ് ഡേവിഡ് കാച്ചപ്പിള്ളി ഛായാഗ്രഹണവും ശ്യാം ശശിധരന്‍ എഡിറ്റിംഗും നിര്‍വ്വഹിക്കുന്നു. പ്രൊഡക്ഷന്‍ കണ്‍ട്രോളര്‍ ഡേവിഡ്‌സണ്‍ സി ജെ, ക്രിയേറ്റിവ് ഹെഡ് ഗോപികാ റാണി, സംഗീതം കൈലാസ് മേനോന്‍, സ്റ്റണ്ട് രാജശേഖരന്‍, ആര്‍ട്ട് ത്യാഗു തവനൂര്‍, വസ്ത്രാലങ്കാരം അരുണ്‍ മനോഹര്‍, മേക്കപ്പ് അമല്‍, ചീഫ് അസ്സോസിയേറ്റ് ദിനില്‍ ബാബു, പിആര്‍ഒ പ്രതീഷ് ശേഖര്‍.
Recent Comments