റാഫി തിരക്കഥയെഴുതി സംവിധാനം ചെയ്യുന്ന വോയ്‌സ് ഓഫ് സത്യനാഥന്റെ ഷൂട്ടിംഗുമായി ബന്ധപ്പെട്ട് ദിലീപും സംഘവും ഇന്നലെ രാജസ്ഥാനിലെത്തി. ജയ്പൂരിലാണ് ഷൂട്ടിംഗ് നടക്കുന്നത്. ദിലീപും വീണാ നന്ദകുമാറുമാണ് രാജസ്ഥാന്‍ ഷെഡ്യൂളില്‍ പങ്കെടുക്കുന്ന താരങ്ങള്‍. നാളെ രാജസ്ഥാന്‍ ഷെഡ്യൂള്‍ അവസാനിക്കും. തുടര്‍ന്ന് ഡെല്‍ഹിയിലേയ്ക്ക് ഷിഫ്റ്റ് ചെയ്യും. അവിടെ അനുപംഖേര്‍ കൂടി ജോയിന്‍ ചെയ്യും. ഡെല്‍ഹിയിലും രണ്ട് ദിവസത്തെ ഷൂട്ടാണ് പ്ലാന്‍ ചെയ്തിരിക്കുന്നത്. അത് കഴിഞ്ഞാല്‍ കേരളത്തിലേയ്ക്ക് മടങ്ങിയെത്തും. ഈ മാസം 20 നും 21 നും കേരളത്തില്‍ ഷൂട്ടിംഗ് ഉണ്ടാകും. തുടര്‍ന്ന് ഷെഡ്യൂള്‍ ബ്രേക്കാവും.
ജോണി ആന്റണി ഉള്‍പ്പെടുന്ന ഒരു ഷെഡ്യൂള്‍ കൂടിയാണ് പൂര്‍ത്തിയാകാനുള്ളത്. അത് ഒക്ടോബര്‍ 5 ന് ആരംഭിക്കും. തുടര്‍ന്ന് നാല് ദിവസം നീണ്ടുനില്‍ക്കുന്ന ഷെഡ്യൂളോടെ വോസ് ഓഫ് സത്യനാഥന് പാക്കപ്പ് പറയും.
Recent Comments