കോവിഡ് കാലശേഷമുള്ള ഓണം മലയാളികള്‍ ഒന്നടങ്കം ആഘോഷമാക്കിയപ്പോള്‍ ഓണപ്പാട്ടുകളും ഒട്ടും പിന്നിലല്ലായിരുന്നു. ഓണത്തിനോടനുബന്ധിച്ച് ഒട്ടേറെ ആല്‍ബങ്ങള്‍ റിലീസ് ചെയ്തിരുന്നു. അക്കൂട്ടത്തില്‍ വിദ്യാധരന്‍ മാഷ് സംഗീതമൊരുക്കിയ ഓര്‍മ്മയിലെ ഓണം എന്ന ആല്‍ബം ഏറെ പ്രേക്ഷകശ്രദ്ധ നേടുകയാണ്.
പ്ലാമൂട്ടില്‍ പ്രൊഡക്ഷന്‍സിന്റെ ബാനറില്‍ ഷിനോ കുര്യന്‍ നിര്‍മ്മിച്ച ഓര്‍മ്മയിലെ ഓണത്തിന് ഗാനരചന നിര്‍വ്വഹിച്ചിരിക്കുന്നത് കൊല്ലം സ്വദേശിയും അദ്ധ്യാപികയുമായ ശ്രീജപ്രദീപാണ്. അതിമനോഹരമായ വരികള്‍, സിംപ്ലിസിറ്റിയും ഒപ്പം പഴയകാല ഓണത്തിന്റെ ഓര്‍മ്മയും നന്നായി വന്നിട്ടുണ്ടെന്നാണ് സംഗീതജ്ഞനായ വിദ്യാധരന്‍ മാഷ് അഭിപ്രായപ്പെട്ടത്. ഈ ഗാനത്തിന് ശബ്ദം നല്‍കി മിഴിവേകിയത് ശ്രദ്ധേയ ഗായകനായ സൂദീപ് കുമാറാണ്. രജിത് ജോര്‍ജ് ഓര്‍ക്കസ്ട്രയും സുന്ദര്‍ ഡിജിട്രാക്ക് റിക്കാര്‍ഡിംഗും നിര്‍വ്വഹിച്ചിരിക്കുന്നു. ക്യാമറയും എഡിറ്റിംഗും കൈകാര്യം ചെയ്തിരിക്കുന്നത് സുദീപ് ഇ.എസാണ്.
Recent Comments