ധനുഷിനെ കേന്ദ്രകഥാപാത്രമാക്കി സെല്‍വരാഘവന്‍ തിരക്കഥയെഴുതി സംവിധാനം നിര്‍വ്വഹിക്കുന്ന നാനേ വരുവേന്‍ എന്ന ചിത്രത്തിന്റെ ടീസര്‍ പുറത്തിറങ്ങി. ധനുഷ് ചിത്രങ്ങള്‍ക്ക് ഏറെ ആരാധകരുള്ളതിനാല്‍ ടീസര്‍ ഇറങ്ങി മണിക്കൂറുകള്‍ക്കകംതന്നെ ലക്ഷക്കണക്കിന് കാഴ്ചക്കാരെയാണ് നേടിയിരിക്കുന്നത്. ഇരട്ടവേഷത്തിലാണ് ധനുഷ് ചിത്രത്തില്‍ അഭിനയിക്കുന്നത്. അതും നായകനായും വില്ലനായും. ഇവര്‍ തമ്മിലുള്ള ഒരു കോമ്പിനേഷന്‍ സീനും ടീസറില്‍ പ്രത്യക്ഷപ്പെടുന്നുണ്ട്. ഒരു സസ്‌പെന്‍സ് ത്രില്ലര്‍ സിനിമയായിരിക്കുമെന്ന് ടീസര്‍ ചൂണ്ടിക്കാട്ടുന്നു. വി ക്രിയേഷന്‍സിന്റെ ബാനറില്‍ കലൈപുലി എസ്. തനുവാണ് ചിത്രം നിര്‍മ്മിക്കുന്നത്. യുവന്‍ ശങ്കര്‍ രാജയുടേതാണ് സംഗീതം.
പ്രഭു, യോഗിബാബു, ഇന്ദുജ, പ്രഭവ്, പ്രണവ്, തുളസി, സില്‍വെര്‍സ്റ്റന്‍, ശരവണ സുബ്ബയ്യ എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.
ഓംപ്രകാശാണ് ഛായാഗ്രഹകന്‍. എഡിറ്റിംഗ് ഭുവന്‍ ശ്രിനിവാസന്‍, പ്രൊഡക്ഷന്‍ ഡിസൈനര്‍ ആര്‍.കെ. വിജയ് മുരുകന്‍, പ്രൊഡക്ഷന്‍ എക്‌സിക്യൂട്ടീവ് എസ്. വെങ്കടേശന്‍, പ്രൊഡക്ഷന്‍ കണ്‍ട്രോളര്‍ ഇലന്‍ കുമരന്‍, കോസ്റ്റിയൂം ഡിസൈനര്‍ കാവ്യ ശ്രീറാം, മേക്കപ്പ് നെല്ലൈ എന്നിവരാണ് അണിയറയില്‍ പ്രവര്‍ത്തിക്കുന്നത്.
Recent Comments