സൈന മ്യൂസിക് ഒര്‍ജിന്‍സ് ഒരുക്കുന്ന കളര്‍ഫുള്‍ ഡാന്‍സ് വീഡിയോയുമായി ചലച്ചിത്ര താരങ്ങള്‍ എത്തുന്നു. റിലീസായി ദിവസങ്ങള്‍ക്കുള്ളില്‍ തന്നെ വണ്‍ മില്യന്‍ വ്യൂസുമായി മുന്നേറുകയാണ് ജിഗര്‍ പാര്‍ട്ടി എന്ന മ്യൂസിക് വീഡിയോ.
മികച്ച ഗായകനും അഭിനേതാവുമായ സിദ്ധാര്‍ഥ് മേനോന്‍, ചലച്ചിത്ര നടി ദീപ്തി സതി, നായികാ നായകന്‍ എന്ന റിയാലിറ്റി ഷോയിലൂടെ ശ്രദ്ധയനായ ആഡിസ് അന്തോണി അക്കര, സോഷ്യല്‍ മീഡിയ താരം ചൈതന്യ പ്രകാശ് എന്നിവരാണ് വീഡിയോയില്‍ ഉള്ളത്.
ആരാധകര്‍ ഏറെ കാത്തിരിക്കുന്ന അഖില്‍ അനില്‍കുമാര്‍ സംവിധാനം ചെയ്ത ഈ വീഡിയോ ഗാനത്തിന്റെ ഛായാഗ്രഹണം നിര്‍വഹിച്ചിരിക്കുന്നത് ഹിമല്‍ മോഹനാണ്. ടിറ്റോ പി തങ്കച്ചന്റെ വരികള്‍ക്ക് അരവിന്ദ് മഹാദേവനാണ് സംഗീതം ഒരുക്കിയിരിക്കുന്നത്. വണ്ടര്‍വാള്‍ മീഡിയ പ്രൊഡക്ഷന്‍ സപ്പോര്‍ട്ടിന്റെ ബാനറില്‍ ചിത്രീകരിച്ച ഗാനം ആലപിച്ചിരിക്കുന്നത് ആലാപ് രാജുവാണ്. D4 ഡാന്‍സ് എന്ന റിയാലിറ്റി ഷോയിലൂടെ ശ്രദ്ധേയനായ സുഹൈഡ് കുക്കുവും റിഷധാന്‍ അബ്ദുലുമാണ് ഗാനത്തിന് ചുവടുകള്‍ സമ്മാനിച്ചത്. മലയാളത്തിലെ ആദ്യത്തെ ബിഗ് ബഡ്ജറ്റ് മ്യൂസിക് വീഡിയോയായ ‘ജിഗര്‍ പാര്‍ട്ടി’ സൈന മ്യൂസിക് യൂട്യൂബ് ചാനലിലൂടെയാണ് പ്രേക്ഷകരിലേക്ക് എത്തിച്ചത്. പിആര്‍ഓ സുനിത സുനില്‍.
Recent Comments