ഇടമലക്കുടിയിലെ ഊരുവാസികളുടെ ദുരിതപൂര്‍ണ്ണമായ ജീവിതം പുറംലോകത്ത് എത്തിച്ചതിന് പിന്നാലെ സുരേഷ്‌ഗോപി തൃശൂര്‍ ജില്ലയിലെ മലക്കപ്പാറ ആദിവാസി കോളനിയും സന്ദര്‍ശിക്കാന്‍ ഒരുങ്ങുന്നു. ഊരുവാസികളുടെ പ്രയാസങ്ങള്‍ നേരിട്ട് കണ്ടറിഞ്ഞ് അവര്‍ക്ക് സഹായം എത്തിക്കാനാണ് സുരേഷ്‌ഗോപിയുടെ യാത്രാലക്ഷ്യം. ഒക്ടോബര്‍ 11 അല്ലെങ്കില്‍ 12 ന് അദ്ദേഹം മലക്കപ്പാറയില്‍ എത്തും.
മേം ഹും മൂസയുടെ പ്രൊമോഷനുമായി ബന്ധപ്പെട്ട് സുരേഷ്‌ഗോപി ദുബായിലേയ്ക്ക് പോകുന്നുണ്ട്. തിരിച്ച് വന്നതിന് പിന്നാലെയാണ് അദ്ദേഹത്തിന്റെ മലക്കപ്പാറയിലേയ്ക്കുള്ള യാത്ര.
സുരേഷ്‌ഗോപിയുടെ ഇടമലക്കുടി സന്ദര്‍ശനം ഗംഭീര വിജയമായിരുന്നു. അവിടെ കുടിവെള്ള ടാങ്കും കമ്മ്യൂണിറ്റി സെന്ററും നിര്‍മ്മിച്ച് നല്‍കുന്നതുള്‍പ്പെടെയുള്ള പ്രവര്‍ത്തനങ്ങള്‍ക്ക് തുടക്കമിട്ടുകഴിഞ്ഞതായി സുരേഷ്‌ഗോപി കാന്‍ ചാനലിനോട് പറഞ്ഞു.
നവാഗതനായ പ്രവീണ്‍ നാരായണ്‍ സംവിധാനം ചെയ്യുന്ന ചിത്രത്തിലാണ് സുരേഷ്‌ഗോപി ഇനി അഭിനയിക്കുന്നത്. ചിത്രത്തിന്റെ ഷൂട്ടിംഗ് ഒക്ടോബര്‍ പകുതിയോടെ നാഗര്‍ഗോവിലില്‍ ആരംഭിക്കുമെന്നറിയുന്നു.
Recent Comments