എഎംഎസ് പ്രൊഡക്ഷന്‍സിന്റെ ബാനറില്‍ സജാദ് എം നിര്‍മ്മാണവും വിനോദ് നെട്ടത്താന്നി സംവിധാനവും നിര്‍വ്വഹിച്ച ‘ഒരു പക്കാ നാടന്‍ പ്രേമം ‘ഒക്ടോബര്‍ 14 ന് തീയേറ്ററുകളിലെത്തുന്നു. പെണ്‍കുട്ടികട് പ്രണയാഭ്യര്‍ത്ഥന നടത്തി പരാജിതനായ ഒരു ചെറുപ്പക്കാരന്റെ രസകരമായ ജീവിതമുഹൂര്‍ത്തങ്ങളിലൂടെ കടന്നുപോകുന്ന ചിത്രമാണ് ‘ഒരു പക്കാ നാടന്‍ പ്രേമം’.
മണിമല നിവാസിയായ കണ്ണന്‍ എന്ന ചെറുപ്പക്കാരന്‍ അത്യാവശ്യം സൗന്ദര്യമുള്ളവനാണങ്കിലും ജീവിത സാഹചര്യങ്ങള്‍ തന്റെ പ്രേമത്തിന് വിലങ്ങുതടിയാകുന്നു. എങ്കിലും ഏതെങ്കിലുമൊരു പെണ്‍കുട്ടി പ്രേമാഭ്യര്‍ത്ഥന സ്വീകരിക്കുമെന്നുള്ള ശുഭപ്രതീക്ഷയിലാണ് കണ്ണന്‍. ഒടുവില്‍ കണ്ണന്റെ പ്രതീക്ഷകള്‍ക്ക് തിളക്കമേറ്റി ഒരു പെണ്‍കുട്ടി കടന്നുവരുന്നു. പക്ഷേ ആ പ്രണയം കല്ലും മുള്ളും നിറഞ്ഞ വഴികളിലൂടെയാണ് കടന്നുപോകുന്നത്. തിളക്കമേറ്റിയ പ്രതീക്ഷകളുടെ നിറച്ചാര്‍ത്തുകള്‍ ഓരോന്നായി അടര്‍ന്നു വീഴുമ്പോള്‍, കണ്ണന്‍ അനുഭവിക്കുന്ന നൊമ്പരങ്ങളും സങ്കടവും പ്രേക്ഷകന്റേതുകൂടിയായി മാറുകയാണ്.
ഭഗത് മാനുവല്‍, വിനു മോഹന്‍, മധുപാല്‍, ശ്രീജു അരവിന്ദ്, കലാഭവന്‍ ഹനീഫ്, സിയാദ് അഹമ്മദ്, വിപിരാമചന്ദ്രന്‍, അംബൂട്ടി, ടോം ജേക്കബ്ബ്, സുമേഷ് മുഖത്തല, കൃഷ്ണന്‍ പയ്യനൂര്‍, സനത്, അന്‍സില്‍ , അബ്ദുള്‍ കരീം, ഡ്വായിന്‍, സോണി ചങ്ങനാശ്ശേരി, കൊല്ലം ആനന്ദ്, വിദ്യാ വിനുമോഹന്‍, ഹരിത, കുളപ്പുള്ളി ലീല, സിന്ധു മനുവര്‍മ്മ, സുനന്ദ, ദീപിക, ശ്രീലക്ഷ്മി, ശ്രുതി എസ് നായര്‍, ലക്ഷ്മി, ഗ്രേസി, സുറുമി തുടങ്ങിയവര്‍ അഭിനയിക്കുന്നു.
കൈതപ്രം ദാമോദരന്‍ നമ്പൂതിരി, കെ.ജയകുമാര്‍, എങ്ങണ്ടിയൂര്‍ ചന്ദ്രശേഖരന്‍, വിനു കൃഷ്ണന്‍ എന്നിവരുടെ വരികള്‍ക്ക് സംഗീതമൊരുക്കിയിരിക്കുന്നത് മോഹന്‍ സിത്താരയാണ്. കെ.ജെ യേശുദാസ്, വിനീത് ശ്രീനിവാസന്‍, വിധുപ്രതാപ്, അഫ്‌സല്‍, ജ്യോത്സന, അന്‍വര്‍ സാദത്ത്, ശിഖ പ്രഭാകര്‍ എന്നിവരാണ് ഗാനമാലപിച്ചിരിക്കുന്നത്. പശ്ചാത്തല സംഗീതം എസ് പി വെങ്കിടേഷ്. ഛായാഗ്രഹണം ഉണ്ണി കാരാത്ത്. കഥ രാജു സി. ചേന്നാട്. എഡിറ്റിംഗ് ജയചന്ദ്രകൃഷ്ണ, പ്രൊഡക്ഷന്‍ കണ്‍ട്രോളര്‍ ഹസ്മീര്‍ നേമം, ചീഫ് അസ്സോസിയേറ്റ് ഡയറക്ടര്‍ വിന്‍സന്റ് പനങ്കൂടാന്‍, പ്രൊഡക്ഷന്‍ എക്‌സിക്യൂട്ടീവ് ഡാനി പീറ്റര്‍. സ്റ്റില്‍സ് പവിന്‍ തൃപ്രയാര്‍, പിആര്‍ഒ അജയ് തുണ്ടത്തില്‍.
Recent Comments