ചിത്രീകരണം പൂര്‍ത്തിയായ ക്രിസ്റ്റഫറില്‍ അതിഥിതാരമായി ശരത്കുമാറും അഭിനയിക്കുന്നു. ശരത്കുമാര്‍ പങ്കെടുത്ത രംഗങ്ങള്‍ ഒറ്റദിവസം കൊണ്ടാണ് പൂര്‍ത്തിയാക്കിയത്. നിലവില്‍ ക്രിസ്റ്റഫറിന്റെ പോസ്റ്റ് പ്രൊഡക്ഷന്‍ വര്‍ക്കുകള്‍ പുരോഗമിക്കുകയാണ്.
ഉദയകൃഷ്ണയുടെ തിരക്കഥയില്‍ ബി. ഉണ്ണികൃഷ്ണന്‍ സംവിധാനം ചെയ്യുന്ന ചിത്രമാണ് ക്രിസ്റ്റഫര്‍. ടൈറ്റില്‍ റോള്‍ ചെയ്യുന്നത് മമ്മൂട്ടിയാണ്. ഒരു പോലീസ് ഓഫീസറെയാണ് മമ്മൂട്ടി ഈ ചിത്രത്തില്‍ അവതരിപ്പിക്കുന്നത്. മമ്മൂട്ടിയുടെ ഫസ്റ്റ് ലുക്ക് പോസ്റ്റര്‍തന്നെ ഏറെ വൈറലായിരുന്നു. മമ്മൂട്ടിയോടൊപ്പം വന്‍ താരനിരയാണ് ചിത്രത്തിലുള്ളത്. വിനയ് റായി വില്ലനായി എത്തുന്നതും വന്‍ വാര്‍ത്താപ്രാധാന്യം നേടിയിരുന്നു. ശരത്കുമാര്‍ കൂടി എത്തുന്നതോടെ താരനിബിഡമാകുകയാണ് ക്രിസ്റ്റഫര്‍.
ആര്‍.ഡി. ഇലുമിനേഷന്‍സിന്റെ ബാനറില്‍ ബി. ഉണ്ണികൃഷ്ണനാണ് ഈ ബിഗ് ബജറ്റ് ചിത്രം നിര്‍മ്മിക്കുന്നത്. ഫൈസ് സിദ്ദിക്കാണ് ഛായാഗ്രാഹകന്‍.
Recent Comments