ട്രൂത്ത് ഫിലിംസിന്റെ ബാനറില്‍ സമദ് ട്രൂത്ത് നിര്‍മ്മിച്ച് ബി.സി. നൗഫല്‍ സംവിധാനം നിര്‍വ്വഹിക്കുന്ന മൈ നെയിം ഈസ് അഴകനിലെ പടച്ചോനോ എന്നാരംഭിക്കുന്ന ഗാനം പുറത്തിറങ്ങി. ബി.കെ. ഹരിനാരായണന്റെ വരികള്‍ക്ക് അരുണ്‍ രാജ് ഈണമിട്ട ഗാനം വിനീത് ശ്രീനിവാസനാണ് ആലപിച്ചിരിക്കുന്നത്. ബിനു തൃക്കാക്കരയാണ് ചിത്രത്തിലെ കേന്ദ്രകഥാപാത്രത്തെ അവതരിപ്പിക്കുന്നത്. ശരണ്യ രാമചന്ദ്രനാണ് നായിക.
ജാഫര്‍ ഇടുക്കി, ജോണ്‍ ആന്റണി, സുധി കോപ്പ, ടിനി ടോം, ജൂഡ് ആന്തണി ജോസഫ്, ജോളി ചിറയത്ത്, കൃഷ്ണപ്രഭ, ബൈജു എഴുപുന്ന, സാജന്‍ പള്ളുരുത്തി, കോട്ടയം പ്രദീപ് തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
ബിനു തൃക്കാക്കരയുടേതാണ് കഥ. ഫൈസല്‍ അലിയാണ് ഛായാഗ്രാഹകന്‍, എഡിറ്റിംഗ് റിയാസ് കെ. ബദര്‍, കോസ്റ്റിയൂം ഡിസൈനര്‍ ഇര്‍ഷാദ് ചെറുകുന്ന്, മേക്കപ്പ് ഷാജി പുല്‍പ്പള്ളി, പ്രൊഡക്ഷന്‍ കണ്‍ട്രോളര്‍ ബിജു പരവൂര്‍, ഫൈനാന്‍സ് കണ്‍ട്രോളര്‍ അരീബ് റഹ്‌മാന്‍ എന്നിവരാണ് മറ്റണിയറ പ്രവര്‍ത്തകര്‍.
Recent Comments