അനീഷ് ജോസ് മൂത്തേടന്‍ സംവിധാനം ചെയ്യുന്ന ആബേലിന്റെ ചിത്രീകരണം പൊന്‍മുടിയിലെ സെന്റ് മേരീസ് പള്ളിയില്‍ നടക്കുന്നു. ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നത് സൗബിന് ഷാഹിറാണ്. ഒക്ടോബര്‍ 12 സൗബിന്റെ ജന്മദിനം കൂടിയായിരുന്നു. അദ്ദേഹത്തിന് ജന്മദിനാശംസകള്‍ നേരാന്‍ പള്ളിയങ്കണത്തില്‍തന്നെ താരങ്ങളും സാങ്കേതിക പ്രവര്‍ത്തകരും ഒത്തുകൂടി. സൗബിന് കേക്ക് മുറിച്ച് എല്ലാവര്‍ക്കും മധുരം നല്‍കി. അഭിനേതാക്കളായ സിദ്ധിക്ക്, അതിഥിരവി, അലന്‍സിയര്‍, ലെന, സീമ ജി. നായര്‍, ജയകൃഷ്ണന്‍, ജോജി ജോണ്‍, അലക്‌സ് കോയിപുറത്ത്, അഞ്ജലീന ജോയി, സംവിധായകന്‍ അനീഷ് ജോസ് മൂത്തേടന്‍, നിര്‍മ്മാതാവ് അനില്‍മാത്യു എന്നിവര്‍ സൗബിന് ജന്മദിനാശംസകള്‍ നേര്‍ന്നു. ഒരു മലയോരഗ്രാമത്തിന്റെ പശ്ചാത്തലത്തില്‍ നടക്കുന്ന കഥയാണ് ആബേല്‍ പറയുന്നത്.
കഴിഞ്ഞ ദിവസം ലാല്‍ ജൂനിയര്‍ സംവിധാനം ചെയ്യുന്ന നടികര്‍ തിലകത്തിന്റെ ഫസ്റ്റ് ലുക്ക് പോസ്റ്ററും സൗബിന്റെ ജന്മദിനത്തോടനുബന്ധിച്ച് പുറത്തിറക്കിയിരുന്നു.
Recent Comments