തിങ്കളാഴ്ച നിശ്ചയത്തിന് ശേഷം ദേശീയ പുരസ്‌കാരം നേടിയ സെന്ന ഹെഗ്ഡെ സംവിധാനം ചെയ്യുന്ന രണ്ടാമത്തെ ചിത്രമാണ് 1744 വൈറ്റ് ആള്‍ട്ടോ. ചിത്രത്തിന്റെ ടീസര്‍ പുറത്തിറങ്ങി. ഷറഫുദ്ദീനാണ് നായകന്‍. നര്‍മവും രസകരമായ കഥാപശ്ചാത്തലവും നിറഞ്ഞ 1744 വൈറ്റ് ആള്‍ട്ടോയുടെ ടീസറിന് പ്രേക്ഷകരില്‍നിന്നും മികച്ച പ്രതികരണമാണ് ലഭിക്കുന്നത്.
കബിനി ഫിലിംസിന്റെ ബാനറില്‍ മൃണാള്‍ മുകുന്ദന്‍, ശ്രീജിത്ത് നായര്‍, വിനോദ് ദിവാകര്‍ എന്നിവര്‍ ചേര്‍ന്നാണ് ഈ സിനിമ നിര്‍മ്മിക്കുന്നത്. ഡ്രീം ബിഗ് ഫിലിംസ് ചിത്രം വിതരണം ചെയ്യും. തിങ്ക് മ്യൂസിക്കാണ് സംഗീത അവകാശം സ്വന്തമാക്കിയത്.
ഷറഫുദ്ദീനെ കൂടാതെ വിന്‍സി അലോഷ്യസ്, രാജേഷ് മാധവന്‍, നവാസ് വള്ളിക്കുന്ന്, ആര്യ സലിം, ആനന്ദ് മന്മഥന്‍, സജിന്‍ ചെറുകയില്‍, ആര്‍ജെ നില്‍ജ, രഞ്ജി കാങ്കോല്‍ തുടങ്ങിയ നിരവധി താരങ്ങളും അഭിനയിക്കുന്നു. സെന്ന ഹെഗ്‌ഡെക്കൊപ്പം ശ്രീരാജ് രവീന്ദ്രനും അര്‍ജുനനും ചേര്‍ന്നാണ് തിരക്കഥ എഴുതിയിരിക്കുന്നത്.
ശ്രീരാജ് രവീന്ദ്രന്‍ ഛായാഗ്രഹണവും ഹരിലാല്‍ കെ രാജീവ് ചിത്രസംയോജനവും മുജീബ് മജീദ് സംഗീതവും നിര്‍വ്വഹിക്കുന്നു. പി.ആര്‍.ഒ ശബരി. ചിത്രം നവംബറില്‍ തീയേറ്ററുകളിലെത്തും.
Recent Comments