ഒമര്‍ ലുലു സംവിധാനം ചെയ്യുന്ന ‘നല്ല സമയം’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. കലന്തൂര്‍ എന്റര്‍ടെയിന്‍മെന്റ്‌സിന്റെ ബാനറില്‍ നവാഗതനായ കലന്തൂരാണ് ചിത്രം നിര്‍മ്മിക്കുന്നത്. നവംബര്‍ റിലീസായാണ് ചിത്രം ഒരുങ്ങുന്നത്. നായകനായ ഇര്‍ഷാദിനും വിജീഷിനും കൂടെ അഞ്ച് പുതുമുഖ നായികമാരും പോസ്റ്ററില്‍ എത്തുന്നുണ്ട്. പോസ്റ്റര്‍ ടാഗ് ലൈനില്‍ പറഞ്ഞ പോലെ ഒരു കംപ്ലീറ്റ് ഫണ്‍ സ്റ്റോണര്‍ തന്നെ ആയിരിക്കും നല്ല സമയം എന്ന് ഫസ്റ്റ് ലുക്ക് ഉറപ്പ് തരുന്നുണ്ട്.
ഒമര്‍ ലുലു തന്റെ അഞ്ചാമത്തെ സംവിധാന സംരംഭത്തിലൂടെ മലയാളികള്‍ ഇന്നേ വരെ കാണാത്ത തരത്തില്‍ ഉള്ള ഒരു പക്കാ സ്റ്റോണര്‍ കോമഡി തന്നെ ആയിരിക്കും നമുക്ക് വേണ്ടി ഒരുക്കിയിരിക്കുന്നത് എന്ന് ഉറപ്പാണ്. പലരും പറയാന്‍ മടിക്കുന്ന കാര്യങ്ങള്‍ തന്റെ സിനിമകളിലൂടെ എന്നും പറയാര്‍ ഉള്ള ഒമര്‍ ലുലുവില്‍ നിന്ന് മലയാള സിനിമ ഒട്ടും എക്‌സ്‌പ്ലോര്‍ ചെയ്യാത്ത ഈ ജോണറില്‍ ഒരു ട്രെന്‍ഡ് സെറ്റിങ് സിനിമ തന്നെ പ്രതീക്ഷിക്കാം.
ഇര്‍ഷാദ്, വിജീഷ് എന്നിവരെ കൂടാതെ നീന മധു, ഗായത്രി ശങ്കര്‍, നോറ ജോണ്‍സണ്‍, നന്ദന സഹദേവന്‍, സുവൈബത്തുല്‍ ആസ്ലമിയ്യ എന്നീ പുതുമുഖങ്ങളാണ് നായിക വേഷങ്ങളില്‍ എത്തുന്നത്. ശാലു റഹീം, ശിവജി ഗുരുവായൂര്‍, ജയരാജ് വാര്യര്‍ അടക്കം ഉള്ള താരങ്ങള്‍ സപ്പോര്‍ട്ടിങ് വേഷങ്ങളില്‍ എത്തുന്നു.
ക്യാമറ കൈകാര്യം ചെയ്തിരിക്കുന്നത് സിനു സിദ്ദാര്‍ത്ഥാണ്. ഒമര്‍ ലുലുവും നവാഗതയായ ചിത്രയും ചേര്‍ന്നാണ് തിരക്കഥയും സംഗീതവും ചെയ്തിരിക്കുന്നത്. പിആര്‍ഒ പ്രതീഷ് ശേഖര്‍.
Recent Comments