മലയാളികളുടെ പ്രിയതാരം മമ്മൂട്ടി ഇവ മറിയം അനില്‍ എന്ന കൊച്ചു മിടുക്കിയെ കളിപ്പിക്കുന്ന മനോഹരമായ വീഡിയോയാണ് സമൂഹമാധ്യമങ്ങളില്‍ ശ്രദ്ധേയമാകുന്നത്. അമ്മ സിന്‍സി അനിലിനൊപ്പം കാതല്‍ സിനിമയുടെ ലൊക്കേഷനിലെത്തിയതാണ് ഇവ മറിയം. പക്ഷേ മമ്മൂട്ടി ആരാണെന്നൊന്നും അറിയാതെ ഇവ മറിയം താരത്തിനൊപ്പം കളിക്കുകയായിരുന്നു. ഒടുവില്‍ അവിടെനിന്നും പോരുമ്പോള്‍ ഇവയ്ക്ക് സങ്കടമാവുകയും മമ്മൂട്ടി ഇവയ്ക്ക് ചോക്ലേറ്റ് സമ്മാനിക്കുകയും ചെയ്തു.
ഇവയുടെ അമ്മ സിന്‍സി അനില്‍ തന്റെ ഫെയ്‌സ്ബുക്ക് പേജില്‍ പങ്കുവച്ച ഈ വീഡിയോ ഇപ്പോള്‍ വൈറലാവുകയാണ്. എല്‍.കെ.ജി. വിദ്യാര്‍ത്ഥിനിയാണ് ഇവ.
സിന്‍സി അനില്‍ ഫെയ്‌സ്ബുക്കില്‍ പങ്കുവച്ച കുറിപ്പ് ഇങ്ങനെ:
‘ഇന്നെന്റെ മകള്‍ക്കു അറിയില്ല… അവള്‍ ചേര്‍ന്ന് നില്‍ക്കുന്നതും ഓടി ചെന്ന് ചെവിയില്‍ സ്വകാര്യം പറയുന്നതും അവളെ തലോടുന്നതും ചിരിപ്പിക്കുന്നതും ആയ ആ വ്യക്തിത്വം ആരാണെന്നും എന്താണെന്നും…
നാളെ അവളിത് അഭിമാനത്തോടെ കാണും.. ജീവിതയാത്രയില്‍ ഒരു നിധി പോലെ സൂക്ഷിക്കും…
ഈ വീഡിയോ പകര്‍ത്തുമ്പോള്‍ എനിക്ക് അവളുടെ പ്രായത്തിലേക്ക് ഒന്ന് മടങ്ങി പോകനായിരുന്നുവെങ്കിലെന്നു ആത്മാര്‍ഥമായി ആഗ്രഹിച്ചു പോയി…’
Recent Comments