ഫോര്‍ ഇയേഴ്സിലെ എന്‍ കനവില്‍ എന്ന് തുടങ്ങുന്ന ഗാനം റിലീസായി. സംവിധായകന്‍ രഞ്ജിത്ത് ശങ്കര്‍ ആദ്യമായി ഗാനരചന നിര്‍വഹിച്ച ചിത്രംകൂടിയാണിത്.
‘ഫോര്‍ ഇയേഴ്സിന്റെ ടൈറ്റില്‍ സോങ് ആണ് ഈ ഗാനം. ഈ ഗാനത്തോട് കൂടി പ്രേക്ഷകര്‍ ചിത്രത്തിലെ നായകനും നായികയുമായ വിശാലിന്റെയും ഗായത്രിയുടെയും ലോകത്തിലേക്ക് കടന്നു വരണം. അതാണ് ഈ ഗാനം കൊണ്ട് പ്രതീക്ഷിച്ചതും. ഇതെഴുതാനായി രണ്ടു മൂന്നു പേരെ ഏല്‍പ്പിച്ചെങ്കിലും ഞാന്‍ ഉദ്ദേശിച്ച പൂര്‍ണ്ണത ലഭിച്ചില്ല. അതുകൊണ്ടാണ് സ്വന്തമായി എഴുതാന്‍ തീരുമാനിച്ചത്. എഴുതിയ പാട്ടിന്റെ വരികള്‍ ശരിയാണോ എന്ന് ഉറപ്പുവരുത്താന്‍ സന്തോഷ് വര്‍മ്മയ്ക്കും അയച്ചുകൊടുത്തു. അദ്ദേഹത്തിന്റെ പ്രോത്സാഹനവും ഈ ഗാനരചനയ്ക്ക് പിന്നിലുണ്ടായിരുന്നു.’ രഞ്ജിത് ശങ്കര്‍ പറഞ്ഞു. ഈ പാട്ട് കൂടാതെ അകലെ ഹൃദയം എന്ന ഗാനം രചിച്ചതും രഞ്ജിത്ത് ശങ്കറാണ്.
ശങ്കര്‍ ശര്‍മ്മ ഈം പകര്‍ന്നിരിക്കുന്ന ഗാനം അരുണ്‍ ആലാട്ടും സോണി മോഹനും ചേര്‍ന്നാണ് പാടിയിരിക്കുന്നത്. പ്രിയാ വാര്യരും സര്‍ജാനോ ഖാലിദും കേന്ദ്ര കഥാപാത്രങ്ങളെ അവതരിപ്പിക്കുന്ന ഫോര്‍ ഇയേഴ്‌സ് നവംബര്‍ 25 ന് തിയേറ്ററുകളിലേക്കെത്തും.
Recent Comments