നാടകാചര്യന്‍ എന്‍.എന്‍. പിള്ളയുടെ സമഗ്രമായ മലയാളം വെബ്സൈറ്റിന്റെ ഉദ്ഘാടനം ദുല്‍ഖര്‍ സല്‍മാന്‍, തന്റെ സോഷ്യല്‍ മീഡിയ പേജ് വഴി നിര്‍വഹിച്ചു. www.nnpillai.com എന്നാണ് വെബ്സൈറ്റിന്റെ പേര്. എന്‍.എന്‍. പിള്ളയുടെ സിനിമാ നാടക ഓര്‍മ്മകളിലേക്ക് സഞ്ചരിക്കാന്‍ പ്രേക്ഷകനും വഴിയൊരുക്കുന്നു.
നാടകകൃത്ത് , നടന്‍, സംവിധായകന്‍, ഗാനരചയിതാവ്, തിരക്കഥാകൃത്ത്, സാഹിത്യകാരന്‍, നേതാജിയുടെ ഇന്ത്യന്‍ നാഷണല്‍ ആര്‍മിയില്‍ സേനാനി, പ്രാസംഗികന്‍, അങ്ങനെ ബഹുമുഖ പ്രതിഭയായ എന്‍.എന്‍. പിള്ളയുടെ ജീവിതത്തിന്റെയും, നാടകത്തിന്റെയും, കൃതികളുടെയും, ഒരു ബൃഹത്തായ വിവരണമാണ് ഈ വെബ്‌സൈറ്റിലുള്ളത്. എന്‍.എന്‍. പിള്ളയുടെ പേരില്‍ കാസര്‍ഗോഡ്, മാണിയാട്ട് നടത്തുന്ന സംസ്ഥാന പ്രൊഫഷണല്‍ നാടക മത്സരത്തിന്റെ വിവരങ്ങളും വെബ്സൈറ്റില്‍ ഉള്‍പ്പെടുത്തിയിരിക്കുന്നു. മലയാളത്തിന്റെയും മലയാളികളുടെയും അഭിമാനമായ നാടകാചര്യന്റെ വെബ്‌സൈറ്റ് ലോകത്തിനു മുന്നില്‍ പരിചയപ്പെടുത്താന്‍ സാധിച്ചതില്‍ സന്തോഷമുണ്ടെന്ന് ദുല്‍ഖര്‍ സല്‍മാന്‍ പറഞ്ഞു.
Recent Comments