മലയോരഗ്രാമമായ ഇല്ലിക്കുന്നില്‍ നടക്കുന്ന കൊലപാതക പരമ്പര ആ ഗ്രാമവാസികളുടെ ഉറക്കം കെടുത്തുന്നു. സൈമന്റെയും മേരിയുടെയും മകള്‍ 14 കാരിയായ ഡാലിയ, ഭ്രാന്തിയായ കത്രീന, മെംബര്‍ സൂസന്നയുടെ മകള്‍ അങ്ങനെ നീളുന്നു ആ പട്ടിക. ആ കൊലപാതക പരമ്പരയ്ക്കു പിന്നില്‍ പോലീസിന്റെ സംശയമുന നീളുന്നത് അവിടുത്തെ ഫുട്‌ബോള്‍ കോച്ചായ ആന്റോ അലക്‌സിലേക്കാണ്. ആന്റോ പോലീസ് കസ്റ്റഡിയിലാകുന്നുവെങ്കിലും തന്റെ നിരപരാധിത്വം തെളിയിക്കാനുള്ള ശ്രമത്തില്‍ കസ്റ്റഡിയില്‍ നിന്നും രക്ഷപ്പെടുന്നു. ആന്റോ നിരപരാധിത്ത്വം തെളിയിക്കുമോ? ആ കൊലപാതകങ്ങള്‍ക്കു പിന്നിലെ കറുത്ത ശക്തി ആരുടേതായിരിക്കും? നിഗൂഡതകളുടെ ചുരുളഴിക്കാനെത്തുകയാണ് ‘റെഡ് ഷാഡോ’ എന്ന സസ്‌പെന്‍സ് ത്രില്ലര്‍ ചിത്രം ഡിസംബര്‍ 9 ന് തീയേറ്ററുകളില്‍ പ്രദര്‍ശനത്തിനെത്തും.
മനുമോഹന്‍, രമേശ്കുമാര്‍, അഖില്‍ വിജയ്, ഹരി സര്‍ഗം, മണക്കാട് അയ്യപ്പന്‍, ശ്രീമംഗലം അശോക് കുമാര്‍, ദീപ സുരേന്ദ്രന്‍, ബേബി അക്ഷയ, ബേബി പവിത്ര, സ്വപ്ന, മയൂരി, അപര്‍ണ, വിഷ്ണുപ്രിയ, മാസ്റ്റര്‍ ജിയോന്‍ ജീട്രസ്, അനില്‍ കൃഷ്ണന്‍, അജോന്‍ ജോളിമസ്, നവീന്‍, അനൂപ്, ഷാജി ചീനിവിള, സ്റ്റാന്‍ലി പുത്തന്‍പുരയ്ക്കല്‍, സുനില്‍ ഹെന്‍ട്രി, മുബീര്‍, മനോജ്, ഹരി, രാധാകൃഷ്ണന്‍, അനില്‍ പീറ്റര്‍ എന്നിവര്‍ അഭിനയിക്കുന്നു.
ബാനര്‍, നിര്‍മ്മാണം ഫിലിം ആര്‍ട്ട് മീഡിയ ഹൗസ്, കഥ, സംവിധാനം ജോളിമസ്, തിരക്കഥ, സംഭാഷണം മേനംകുളം ശിവപ്രസാദ്, ഛായാഗ്രഹണം ജിട്രസ്, എഡിറ്റിംഗ്, കളറിസ്റ്റ് വിഷ്ണു കല്യാണി, പ്രൊഡക്ഷന്‍ എക്‌സിക്യൂട്ടീവ് മണക്കാട് അയ്യപ്പന്‍, പ്രോജക്ട് കോ ഓര്‍ഡിനേറ്റര്‍ സതീഷ് മരുതിങ്കല്‍, ഗാനരചന അജയ് വെള്ളരിപ്പണ, മേനംകുളം ശിവപ്രസാദ്, സംഗീതം അനില്‍ പീറ്റര്‍, ബൈജു അഞ്ചല്‍, പശ്ചാത്തലസംഗീതം റിക്‌സണ്‍ ജോര്‍ജ് സ്റ്റാലിന്‍, ചമയം രതീഷ് രവി, കല അനില്‍ പുതുക്കുളം, കോസ്റ്റ്യും വി സിക്‌സ്, കൊറിയോഗ്രാഫി ഈഹ സുജിന്‍, ആക്ഷന്‍ രതീഷ് ശിവ, അസ്സോസിയേറ്റ് ഡയറക്ടര്‍ ബിജു സംഗീത, വിതരണം 72 ഫിലിം കമ്പനി, സ്റ്റില്‍സ് സിയാദ്, ജിയോന്‍ ജി ജിട്രസ്, പിആര്‍ഒ അജയ് തുണ്ടത്തില്‍.
Recent Comments