പൃഥ്വിരാജ് വീണ്ടും ഹിന്ദിചിത്രത്തില്‍ അഭിനയിക്കുന്നു. ഇത്തവണ അക്ഷയ് കുമാറിനൊപ്പമാണ് പൃഥ്വി സ്‌ക്രീന്‍സ്‌പെയിസ് പങ്കിടുന്നത്. ബഡെ മിയാന്‍ ഛോട്ടെ മിയാന്‍ എന്നാണ് ചിത്രത്തിന്റെ പേര്. കബീര്‍ എന്ന കഥാപാത്രത്തെയാണ് പൃഥ്വിരാജ് അവതരിപ്പിക്കുന്നത്. ‘ഡ്രീം കോംബോ’ എന്നാണ് തന്റെ പുതിയ പ്രോജക്ടിനെ പൃഥ്വി വിശേഷിപ്പിച്ചിരിക്കുന്നത്.
പൃഥ്വിരാജ് അഭിനയിക്കുന്ന നാലാമത്തെ ഹിന്ദി ചിത്രമാണിത്. അയ്യാ, ഔറംഗേസബ്, നാം ശബാന എന്നിവയാണ് മറ്റ് ചിത്രങ്ങള്‍.
അലി അബ്ബാസ് സഫറാണ് ബഡെ മിയാന്‍ ഛോട്ടെ മിയാന്‍ തിരക്കഥയെഴുതി സംവിധാനം ചെയ്യുന്നത്. പൂജ എന്റര്‍ടെയിന്‍മെന്റ്‌സിന്റെയും AAZ ഫിലിംസിന്റെയും ബാനറില്‍ വാഷു ബംഗാനിയും ഹിമന്‍ഷു മെഹ്‌റയും ചേര്‍ന്നാണ് ചിത്രം നിര്‍മ്മിക്കുന്നത്. 2023 ല്‍ ഷൂട്ടിംഗ് ആരംഭിക്കും. പൂര്‍ണ്ണമായും വിദേശരാജ്യങ്ങളില്‍വച്ചാണ് ചിത്രം ഷൂട്ട് ചെയ്യുന്നത്.
Recent Comments