അനൂപ് മേനോന്‍, കലാഭവന്‍ ഷാജോണ്‍, ബൈജു സന്തോഷ് എന്നിവരെ കേന്ദ്ര കഥാപാത്രങ്ങളാക്കി രാകേഷ് ഗോപന്‍ രചനയും സംവിധാനവും നിര്‍വ്വഹിക്കുന്ന ചിത്രമാണ് തിമിംഗലവേട്ട. വി.എം.ആര്‍. ഫിലിംസിന്റെ ബാനറില്‍ സജിമോനാണ് ചിത്രം നിര്‍മ്മിക്കുന്നത്. ഡിസംബര്‍ 21 ന് തിരുവനന്തപുരത്ത് ചിത്രീകരണം ആരംഭിക്കും.
തലസ്ഥാന നഗരത്തില്‍ അരങ്ങേറുന്ന രാഷ്ടീയ സംഭവവികാസങ്ങളെ തികഞ്ഞ സറ്റയര്‍ രൂപത്തില്‍ അവതരിപ്പിക്കുകയാണ് ചിത്രത്തിലൂടെ. രമേഷ് പിഷാരടി, ജഗദീഷ്, മണിയന്‍ പിള്ള രാജു, നന്ദു, കോട്ടയം രമേഷ്, പി.പി. കുഞ്ഞികൃഷ്ണന്‍ മാഷ്, (ന്നാ താന്‍ കേസ് കൊട് ഫെയിം), രാധികാ നായര്‍ (അപ്പന്‍ ഫെയിം) എന്നിവരും ചിത്രത്തില്‍ അഭിനയിക്കുന്നു.
ഹരി നാരായണന്റെ വരികള്‍ക്ക് ബിജിപാല്‍ ഈണം പകര്‍ന്നിരിക്കുന്നു.
പ്രദീപ് നായര്‍ ഛായാഗ്രഹണവും നൗഫല്‍ അബ്ദുള്ള എഡിറ്റിംഗും നിര്‍വ്വഹിക്കുന്നു. കലാസംവിധാനം കണ്ണന്‍ ആതിരപ്പള്ളി, മേക്കപ്പ് റോണക്‌സ് സേവ്യര്‍, കോസ്റ്റ്യൂം ഡിസൈന്‍ അരുണ്‍ മനോഹര്‍, ചീഫ് അസ്സോസ്സിയേറ്റ് ഡയറക്ടര്‍ ഹരി സുധന്‍, പ്രൊഡക്ഷന്‍ കണ്‍ട്രോളര്‍ എസ്. മുരുകന്‍, പി.ആര്‍.ഒ. വാഴൂര്‍ ജോസ്.
Recent Comments