നവാഗതനായ നഹാസ് ഹിദായത്ത് സംവിധാനം ചെയ്യുന്ന ആര്‍.ഡി.എക്‌സിന്റെ ചിത്രീകരണം ഡിസംബര്‍ 15 ന് കൊടുങ്ങല്ലൂരില്‍ ആരംഭിക്കും. ആന്റണി വര്‍ഗീസും ഷെയ്ന്‍ നിഗവും നീരജ് മാധവുമാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. ആന്റണി വര്‍ഗീസും ലാലും ഡിസംബര്‍ 15 ന് ജോയിന്‍ ചെയ്യും. ഒരാഴ്ച കൂടി കഴിഞ്ഞ് ഷെയ്ന്‍ നിഗവും നീരജ് മാധവും സെറ്റിലെത്തും. ഐമയും മഹിമ നമ്പ്യാരുമാണ് ചിത്രത്തിലെ നായികമാര്‍.
ചിങ്ങം ഒന്നിനായിരുന്നു ചിത്രത്തിന്റെ പൂജ. ആഗസ്റ്റ് 25 ചിത്രത്തിന്റെ ഷൂട്ടിംഗ് പ്ലാന്‍ ചെയ്തിരുന്നതാണ്. ഇതിനിടയിലായിരുന്നു ആന്റണിയുടെ കൈക്ക് അപകടം പറ്റിയത്. തുടര്‍ന്ന് ഡോക്ടമാര്‍ പൂര്‍ണ്ണ വിശ്രമം നിര്‍ദ്ദേശിക്കുകയായിരുന്നു. അതോടെ ആര്‍.ഡി.എക്‌സ് റീഷെഡ്യൂള്‍ ചെയ്യേണ്ടിവന്നു. അതാണിപ്പോള്‍ തുടങ്ങാന്‍ പോകുന്നത്.
വീക്കെന്റ് ബ്ലോക്ക് ബസ്റ്ററിന്റെ ബാനറില്‍ സോഫിയ പോളാണ് ചിത്രം നിര്‍മ്മിക്കുന്നത്. ആക്ഷന്‍ ത്രില്ലറാണ് ചിത്രം. അന്‍പറിവാണ് ആക്ഷന്‍ കോറിയോഗ്രാഫേഴ്‌സ്. പ്രൊഡക്ഷന്‍ കണ്‍ട്രോളര്‍ ജാവേദ് ചെമ്പ്.
Recent Comments