ന്യൂയോര്‍ക്ക് ഫിലിം ക്രിട്ടിക്സ് സര്‍ക്കിള്‍ അവാര്‍ഡും എല്‍എ ഫിലിം ക്രിട്ടിക്സ് അവാര്‍ഡും കരസ്ഥമാക്കിയ പ്രശസ്ത സംവിധായകന്‍ എസ് എസ് രാജമൗലിക്ക് സോഷ്യല്‍ മീഡിയ പേജിലൂടെ അഭിനന്ദനം പങ്കുവെച്ച് പ്രഭാസ്. മികച്ച സംവിധായകനുള്ള പുരസ്‌കാരമാണ് രാജമൗലി സ്വന്തമാക്കിയത്. കൂടാതെ, മികച്ച സംഗീത സംവിധായകനുള്ള എല്‍എ ഫിലിം ക്രിട്ടിക്സ് പുരസ്‌കാരം സ്വന്തമാക്കിയ കീരവാണിക്കും താരം അഭിനന്ദനം അറിയിച്ചു.
View this post on Instagram
താരത്തിന്റെ അഭിനന്ദന പോസ്റ്റിന് രാജമൗലി നന്ദി രേഖപ്പെടുത്തി. ‘ഞാന്‍ പോലും വിശ്വസിച്ചിട്ടില്ലാത്ത എന്റെ രാജ്യാന്തര അംഗീകാരത്തില്‍ താങ്കള്‍ വിശ്വാസമര്‍പ്പിച്ചതിന് നന്ദി.’
കൃതി സനൂന്‍- പ്രഭാസ് താരജോഡികളായി എത്തുന്ന ആദിപുരുഷ്, ദീപിക നായികയായി എത്തുന്ന പ്രോജക്ട് കെ, സ്പിരിറ്റ്, സലാര്‍ എന്നിവയാണ് പ്രഭാസിന്റേതായി പുറത്തിറങ്ങാനിരിക്കുന്ന ചിത്രങ്ങള്‍.
Recent Comments