ഷങ്കര്‍ സംവിധാനം ചെയ്യുന്ന ഇന്ത്യന്‍ 2 ന്റെ ഏറ്റവും പുതിയ അപ്‌ഡേറ്റ്‌സ് പുറത്തുവിട്ട് നായകനായ കമല്‍ഹാസന്‍. മറീന ബീച്ചില്‍ സ്ഥിതി ചെയ്യുന്ന സുഭാഷ് ചന്ദ്രബോസിന്റെ പൂര്‍ണ്ണകായ പ്രതിമയുടെ ചിത്രം തന്റെ മൊബൈല്‍ ഫോണില്‍ പകര്‍ത്തുന്ന ചിത്രമാണ് അദ്ദേഹം ഇന്നലെ ട്വിറ്ററിലൂടെ പുറത്ത് വിട്ടത്. അതിന് ചുവടെ അദ്ദേഹം ഇങ്ങനെ കുറിച്ചു.
’25 വര്‍ഷം മുമ്പ് എം. കരുണാനിധിയാണ് നേതാജി സുഭാഷ് ചന്ദ്രബോസിന്റെ ഈ പ്രതിമ അനാച്ഛാദനം ചെയ്തത്. അതേദിവസം തന്നെ ഇന്ത്യന്‍ 2 ന്റെ ഷൂട്ടിംഗുമായി ബന്ധപ്പെട്ട് ആ പ്രതിമയ്ക്ക് ചുവടെ നില്‍ക്കാന്‍ കഴിഞ്ഞിരിക്കുന്നു. മഹത്തായ മനുഷ്യര്‍, മഹത്തായ ഓര്‍മ്മകള്‍.’
25 ஆண்டுகளுக்கு முன்னர் கலைஞரால் மாவீரர் நேதாஜிக்கு சிலை திறக்கப்பட்ட அதே நாளில் அந்தச் சிலையின் கீழே இந்தியன்-2 படப்பிடிப்பிற்காக நிற்கிறேன். மகத்தான மனிதர்கள், மகத்தான நினைவுகள். pic.twitter.com/tLbjpw2MjE
— Kamal Haasan (@ikamalhaasan) December 15, 2022
പുറംതിരിഞ്ഞ് നിന്നാണ് കമല്‍ ആ ഫോട്ടോ പകര്‍ത്തിയിരിക്കുന്നത്. എങ്കിലും ഇന്ത്യന്‍ 2 ലെ അദ്ദേഹത്തിന്റെ ഗെറ്റപ്പ് ഏതാണ്ട് സുവ്യക്തമാണ്.
മാത്രമല്ല, ഇന്ത്യനില്‍ കമല്‍ഹാസന്‍ അവതരിപ്പിച്ച സേനാപതി എന്ന കഥാപാത്രം ഇന്ത്യന്‍ നാഷണല്‍ ആര്‍മിയുടെ ഭാഗമാണ്. സുഭാഷ് ചന്ദ്രബോസില്‍നിന്ന് ആദരം സ്വീകരിക്കുന്ന ഒരു ഷോട്ടും ആ ചിത്രത്തിലുണ്ട്. ആ നിലയ്ക്കും കമല്‍ പകര്‍ത്തിയ ചിത്രത്തിന് ഏറെ പ്രാധാന്യമുണ്ട്.
നിലവില്‍ ചെന്നൈയിലാണ് ഇന്ത്യന്‍ 2 ന്റെ ചിത്രീകരണം പുരോഗമിക്കുന്നത്. കമല്‍ഹാസനെ കൂടാതെ രാഹുല്‍ പ്രീത് സിംഗ്, സിദ്ധാര്‍ത്ഥ്, ഗുരു സോമസുന്ദരം, കാജല്‍ അഗര്‍വാള്‍, പ്രിയ ഭവാനി ഷങ്കര്‍ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
Recent Comments