നവാഗതനായ രാകേഷ് ഗോപന്‍ സംവിധാനം ചെയ്യുന്ന തിമിംഗലവേട്ടയുടെ ചിത്രീകരണം തിരുവനന്തപുരത്ത് ആരംഭിച്ചു. അനൂപ് മേനോനും മായാമേനോനും പങ്കെടുത്ത രംഗങ്ങളാണ് ആദ്യം ചിത്രീകരിച്ചത്. ഒരു പൊളിറ്റിക്കല്‍ സറ്റയറാണ് ചിത്രം.
ജനാധിപത്യചേരിയില്‍ വിശ്വസിക്കുന്ന, രാഷ്ട്രീയ രംഗത്ത് വലിയ സ്വപ്നങ്ങളുള്ള ജയരാമന്‍ എന്ന യുവജനനേതാവിനെയാണ് അനൂപ് മേനോന്‍ ചിത്രത്തില്‍ അവതരിപ്പിക്കുന്നത്. കലാഭവന്‍ ഷാജോണ്‍, ബൈജു സന്തോഷ്, വിജയരാഘവന്‍, രമേഷ് പിഷാരടി, മണിയന്‍ പിള്ള രാജു, നന്ദു, കോട്ടയം രമേഷ്, ബാലചന്ദ്രന്‍ ചുള്ളിക്കാട്, ബന്‍സി മാത്യു, രാജ്കുമാര്‍, മനോജ് (കെ.പി.എ.സി), പി.പി.കുഞ്ഞിക്കണ്ണന്‍ ഉണ്ണി ചിറ്റൂര്‍, മാഷ് എന്നിവരും ചിത്രത്തിലെ പ്രധാന താരങ്ങളാണ്.
വി.എം.ആര്‍.ഫിലിംസിന്റെ ബാനറില്‍ സജിമോനാണ് തിമിംഗലവേട്ട നിര്‍മ്മിക്കുന്നത്.
Recent Comments