വിജയ് നായകനാകുന്ന ‘വാരിസി’ലെ മൂന്നാമത്തെ ഗാനം റിലീസായതിന് പിന്നാലെ നാല്‍പ്പത്തഞ്ച് ലക്ഷത്തിലധികം പ്രേക്ഷകരാണ് അത് കണ്ടിരിക്കുന്നത്. മൂന്ന് ഗാനങ്ങളും ഹിറ്റായതിന്റെ പശ്ചാത്തലത്തില്‍ ചിത്രത്തിന്റെ ഒഫീഷ്യല്‍ ഓഡിയോലോഞ്ച് നാളെ ചെന്നൈയില്‍ നടക്കും. താരങ്ങളും സാങ്കേതികപ്രവര്‍ത്തകരുമടക്കം ചടങ്ങില്‍ പങ്കുകൊള്ളും. വിവേകിന്റെ വരികള്‍ക്ക് എസ്. തമനാണ് സംഗീതസംവിധാനം നിര്‍വ്വഹിച്ചിരിക്കുന്നത്.
വംശി പൈടിപ്പള്ളിയാണ് വാരിസിന്റെ സംവിധായകന്‍. ശ്രീ വെങ്കടേശ്വര ക്രീയേഷന്‍സിന്റെ ബാനറില്‍ ദില്‍ രാജുവും ശിരീഷും ചേര്‍ന്നാണ് നിര്‍മാണം. തിമിഴിന് പുറമേ തെലുങ്ക്, ഹിന്ദി എന്നീ ഭാഷകളിലായി ജനുവരി 12 ന് റിലീസ് ചെയ്യും. റിലീസിന് മുന്നോടിയായി ഡിസംബര്‍ 27 ന് ട്രെയിലറും പുറത്തിറങ്ങും. വിജയ്‌യുടെ 66-മത്തെ ചിത്രമാണ് വാരിസ്.
വിജയ് യ്‌ക്കൊപ്പം പ്രകാശ് രാജും ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നു. നീണ്ട ഇടവേളയ്ക്ക് ശേഷം ഇരുവരും ഒന്നിക്കുന്ന ചിത്രം കൂടിയാണ് ‘വാരിസ്’. രശ്മിക മന്ദാനയാണ് നായിക. പ്രഭു, എസ്.ജെ സൂര്യ, ജയസുധ, സംഗീത, സംയുക്ത, ഷാം, ശരത്കുമാര്‍, ഖുശ്ബു, ശ്രീകാന്ത്, സംഗീത കൃഷ്, യോഗി ബാബു എന്നിവരും പ്രധാന വേഷങ്ങളില്‍ എത്തുന്നു. കാര്‍ത്തിക് പളനി ഛായാഗ്രഹണം നിര്‍വഹിക്കുന്ന ചിത്രത്തിന്റെ എഡിറ്റിംഗ് നിര്‍വഹിക്കുന്നത് കെ.എല്‍. പ്രവീണാണ്. വാര്‍ത്താ പ്രചരണം പി. ശിവപ്രസാദ്.
Recent Comments