മാധ്യമ, വിനോദ മേഖലകളില്‍ ജോലി ചെയ്യുന്ന സ്ത്രീകള്‍ക്ക് അവരുടെ അനുഭവങ്ങള്‍, വെല്ലുവിളികള്‍, വിജയങ്ങള്‍ എന്നിവ ചര്‍ച്ച ചെയ്യാനും അവരുടെ കാഴ്ചപ്പാടും ഉപദേശവും പങ്കുവയ്ക്കാനും കഴിയുന്ന ഒരു കമ്മ്യൂണിറ്റി കെട്ടിപ്പടുക്കുന്നതിനുള്ള കൂട്ടായ്മയാണ് മൈത്രി. നിര്‍മ്മാതാക്കള്‍, സംവിധായകര്‍, പ്രതിഭകള്‍, കോര്‍പ്പറേറ്റ് നേതാക്കള്‍ എന്നിവരുള്‍പ്പെടെ ഇന്ത്യന്‍ വിനോദരംഗത്തെ പ്രമുഖരായ ഒമ്പത് വനിതാ പ്രൊഫഷണലുകള്‍ അണിനിരക്കുന്ന ഏറ്റവും പുതിയ സെഷനില്‍ കൂടുതല്‍ അവസരങ്ങള്‍ സൃഷ്ടിച്ചും സംഭാവനകള്‍ തിരിച്ചറിഞ്ഞും സുരക്ഷിതമായ തൊഴില്‍ അന്തരീക്ഷം കെട്ടിപ്പടുക്കുന്നതിലൂടെയും വ്യവസായത്തില്‍ സ്ത്രീ പ്രാതിനിധ്യം കൂട്ടുന്നതിനെക്കുറിച്ചുള്ള ചര്‍ച്ചകള്‍ നടത്തുന്നു.
അപര്‍ണ പുരോഹിത്, ഇന്ദു വി എസ്, രതീന പ്ലാത്തോട്ടത്തില്‍, എലാഹെ ഹിപ്ടൂല, പാര്‍വതി തിരുവോത്ത്, റിമ കല്ലിങ്കല്‍, അഭിനേത്രി, ശ്രേയ ദേവ് ദുബെ, നേഹ പാര്‍തി മതിയാനി എന്നിവരാണ് മൈത്രിയുടെ സ്രഷ്ടാവും ക്യൂറേറ്ററുമായ സ്മൃതി കിരണ്‍ മോഡറേറ്റ് ചെയ്ത ഈ പരിപാടിയില്‍ പങ്കെടുത്തത്.
കൂടുതല്‍ സംഭാഷണങ്ങള്‍ക്ക് തുടക്കമിടാനും അര്‍ത്ഥവത്തായ സഹകരണങ്ങള്‍ വളര്‍ത്താനും പ്രൈം വീഡിയോ മൈത്രിയ്ക്കായി ഒരു സോഷ്യല്‍ കമ്മ്യൂണിറ്റിയും ആരംഭിച്ചു. അത് വിനോദരംഗത്തെ സ്ത്രീകള്‍ക്ക് വിജയങ്ങള്‍ പങ്കിടാനും വെല്ലുവിളികള്‍ തടയുന്നതിന് ഒരുമിച്ച് പ്രവര്‍ത്തിക്കാനും വഴിയൊരുക്കുന്നു.
Recent Comments