മമ്മൂട്ടിയെ നായകനാക്കി റോബി വര്‍ഗീസ് രാജ് സംവിധാനം ചെയ്യുന്ന ചിത്രത്തിന്റെ പൂജയും സ്വിച്ച്ഓണ്‍ കര്‍മ്മവും ഇന്ന് പാലായില്‍ നടന്നു. നന്‍പകല്‍ നേരത്ത് മയക്കം, റോഷാക്ക്, കാതല്‍ എന്നീ ചിത്രങ്ങള്‍ക്ക് ശേഷം മമ്മൂട്ടി കമ്പനി നിര്‍മിക്കുന്ന ചിത്രമാണിത്. എസ്സ്. ജോര്‍ജാണ് ചിത്രത്തിന്റെ എക്‌സിക്യൂട്ടീവ് പ്രൊഡ്യൂസര്‍. നിരവധി ചിത്രങ്ങളുടെ ഛായാഗ്രാഹകനാണ് റോബി വര്‍ഗീസ് രാജ്. അദ്ദേഹം ആദ്യമായി സംവിധാനം ചെയ്യുന്ന ചിത്രംകൂടിയാണിത്.
മുഹമ്മദ് ഷാഫിയുടെ കഥയ്ക്ക് അദ്ദേഹത്തിനോടൊപ്പം ചേര്‍ന്ന് തിരക്കഥ ഒരുക്കിയിരിക്കുന്നത് നടന്‍ റോണി ഡേവിഡ് രാജാണ്. റോണി ഈ ചിത്രത്തില്‍ ശ്രദ്ധേയമായ ഒരു കഥാപാത്രത്തെ അവതരിപ്പിക്കുന്നു. വിജയരാഘവന്‍, ശബരീഷ് വര്‍മ്മ, ദീപക് പരമ്പോല്‍, അസീസ് നെടുമങ്ങാട് ഉള്‍പ്പെടെ നൂറോളം അഭിനേതാക്കള്‍ ചിത്രത്തിന്റെ ഭാഗമാകും. ഹിന്ദിയില്‍നിന്നുള്ള താരങ്ങളും ചിത്രത്തില്‍ അഭിനയിക്കുന്നുണ്ട്. മമ്മൂട്ടി ഒന്നാംതീയതി ജോയിന്‍ ചെയ്യും.
ദുല്‍ഖര്‍ സല്‍മാന്റെ വേഫേയര്‍ ഫിലിംസാണ് ചിത്രം കേരളത്തില്‍ വിതരണം ചെയ്യുന്നത്. ചിത്രത്തിന്റെ ഷൂട്ടിംഗ് പാലാ, കൊച്ചി, കണ്ണൂര്‍, വയനാട്, അതിരംപള്ളി, പൂനെ, മുംബൈ എന്നീ സ്ഥലങ്ങളിലായി നടക്കും.
മുഹമ്മദ് റാഹിലാണ് ഛായാഗ്രാഹകന്‍. സംഗീതസംവിധായകന്‍ സുഷിന്‍ ശ്യാം. എഡിറ്റര്‍ പ്രവീണ്‍ പ്രഭാകര്‍. ലൈന്‍ പ്രൊഡ്യൂസര്‍ സുനില്‍ സിംഗ്, പ്രൊഡക്ഷന്‍ കണ്‍ട്രോളര്‍ പ്രശാന്ത് നാരായണന്‍, ചീഫ് അസ്സോസിയേറ്റ് ഡയറക്ടേഴ്‌സ് ജിബിന്‍ ജോണ്‍, അരിഷ് അസ്ലം. ചീഫ് അസ്സോസിയേറ്റ് ക്യാമറാമാന്‍ റിജോ നെല്ലിവിള, പ്രൊഡക്ഷന്‍ ഡിസൈനര്‍ ഷാജി നടുവില്‍, മേക്കപ്പ് റോണെക്‌സ് സേവിയര്‍, വസ്ത്രാലങ്കാരം അരുണ്‍ മനോഹര്‍, അഭിജിത്. സൗണ്ട് ഡിസൈന്‍ ടോണി ബാബു MPSE, അസ്സോസിയേറ്റ് ഡയറക്ടേഴ്‌സ് വി റ്റി ആദര്‍ശ്, വിഷ്ണു രവികുമാര്‍. വിഎഫ്എക്‌സ് ഡിജിറ്റല്‍ ടര്‍ബോ മീഡിയ, സ്റ്റില്‍സ് നവീന്‍ മുരളി, ഡിജിറ്റല്‍ മാര്‍ക്കറ്റിങ് വിഷ്ണുസുഗതന്‍, അനൂപ് സുന്ദരന്‍, ഡിസൈന്‍ അസ്‌തെറ്റിക് കുഞ്ഞമ്മ. ചിത്രത്തിന്റെ ഓവര്‍സീസ് വിതരണം സമദ് ട്രൂത്തിന്റെ ട്രൂത്ത് ഗ്ലോബല്‍ ഫിലിംസാണ്. പിആര്‍ഒ പ്രതീഷ് ശേഖര്‍.
Recent Comments