നീതിയുടെ കാവലാകാന്‍ ഷെബിയുടെ കാക്കിപ്പട ഡിസംബര്‍ 30 ന് തീയേറ്ററുകളിലെത്തും. ബോബി എന്ന ചിത്രത്തിന് ശേഷം ഷെബി ചൗഘട്ട് സംവിധാനം ചെയ്യുന്ന കാക്കിപ്പടയുടേതായി പുറത്തുവന്ന ടീസറും ട്രെയിലറും സോങ്ങും സോഷ്യല്‍ മീഡിയയില്‍ തരംഗമാകുകയും ചെയ്തിരുന്നു.
ക്രിസ്തുമസിന് റിലീസ് അകാനിരുന്ന ചിത്രം സെന്‍സര്‍ബോഡിന്റെ നിര്‍ദ്ദേശത്തെ തുടര്‍ന്ന് ഒരു കഥാപാത്രത്തിന്റെ പേര് മാറ്റുവാനായി വീണ്ടും റീ സെന്‍സറിനായി നല്‍കുകയായിരുന്നു. അതേത്തുടര്‍ന്നാണ് ഡിസംബര്‍ അവസാനം ചിത്രം പ്രേക്ഷകരിലേക്ക് എത്തുന്നത്.
സമകാലിക പശ്ചാത്തലത്തിലുള്ള കഥ പറയുന്ന ചിത്രത്തിന്റെ തിരക്കഥയും സംഭാഷണവും ഒരുക്കിയിരിക്കുന്നത് സംവിധായകന്‍ഷെബിയും ഷെജി വലിയകത്തും ചേര്‍ന്നാണ്. എസ്.വി. പ്രൊഡക്ഷന്‍സിന്റെ ബാനറില്‍ ഷെജി വലിയകത്താണ് സിനിമ നിര്‍മ്മിച്ചിരിക്കുന്നത്.
നിരഞ്ജ് മണിയന്‍ പിള്ള രാജു, അപ്പാനി ശരത്ത്, ചന്തുനാഥ്, ആരാധ്യാ ആന്‍, സുജിത് ശങ്കര്‍, മണികണ്ഠന്‍ ആചാരി, ജയിംസ് ഏല്യാ, സജിമോന്‍ പാറായില്‍, വിനോദ് സാക്(രാഷസന്‍ ഫെയിം), സിനോജ് വര്‍ഗീസ്, കുട്ടി അഖില്‍, സൂര്യാ അനില്‍, പ്രദീപ്, ദീപു കരുണാകരന്‍, ഷിബുലാബാന്‍, മാലാ പാര്‍വ്വതി എന്നിവരും കൂടാതെ നിരവധി പുതുമുഖങ്ങളും അണിനിരക്കുന്നു.
Recent Comments